Turan İnformasiya Agentliyinin Vergilər Nazirıliyinin departamentlərinə qarşı iki iddiası üzrə 1 saylı Bakı İnizabati İqtisad Məhkəməsində sentyabrın 27-nə və oktyabrın 11-nə hazırlıq iclasları təyin edilib.

Bu barədə “Amerikanın Səsi”nə vəkil Fuad Ağayev bildirib.

Onun sözğlərinə görə, Turan Agentliyi birinci iddiasında Vergilər Nazirliyinin iki departamentinin vergilərin hesablanmasına dair 3 qərarının ləğv edilməsi və agentlikdə növbədənkənar səyyar vergi yoxlmasının təyin edilməsinə dair qərarının etibarsız və qanunsuz sayılması, ikinci iddiada isə nazirliyin Vergi Cinayətlərinin İbtidai Araşdırılması Departamentinin agentliyə qarşı vergi yoxlaması təyin etməsinin qanunsuz sayılmasını istəyir.