XƏBƏR LENTİ

27 May 2020
26 May 2020

Digər Xəbərlər

29 Yanvar 2018 - 13:34

2017-ci ildə dini etiqad azadlığını pozan 162 nəfər müəyyənləşdirilib –DİN

"Keçən il dini etiqad azadlığını pozan 162 nəfər müəyyən edilib".

Bunu Dini Qurumlarla İş üzrə Dövlət Komitəsinin təşkilatçılığı ilə Bakı şəhəri Nərimanov rayon İcra Hakimiyyətində "Radikalizm və ekstremizmin mahiyyəti, yaranma səbəbləri və onlara qarşı mübarizənin hüquqi əsasları" mövzusunda keçirilən seminar-müşavirədə Daxili İşlər Nazirliyinin Baş  ictimai təhlükəsizlik idarəsinin rəis müavini Oktay Tağıyev bildirib.

O. Tağıyev bildirib ki, həmin şəxslərdən 2 nəfəri cinayət məsuliyyətinə cəlb olunub: "2 nəfərlə bağlı prokurorluq orqanlarına müraciət olunub. Həmin şəxslərdən 3 ədəd tüfəng, 585 ədəd zərərli dini ədəbiyyat götürülüb. Görülmüş tədbirlər nəticəsində inzibati məsuliyyətə cəlb olunmuş şəxslərdən 2 nəfər inzibati həbs edilib, 52 nəfər 86 min manat məbləğində cərimələnib, 73 nəfərə xəbərdarlıq olunub. 4 azyaşlı barədə materiallar yerli icra hakimiyyəti yanında komissiyalara göndərilib".

 O. Tağıyev 2017-ci ildə Azərbaycanda yaşamaq hüquq verən sənədləri olmadan ölkədə yaşayan 144 əcnəbi müəyyənləşib: “Həmin şəxslər barədə qanunvericiliyə uyğun tədbirlər görülüb. 17 nəfər ölkə hüdudlarından kənara çıxarılıb, 127 nəfər müvafiq tədbirlər görülməsi üçün Dövlət Miqrasiya Xidmətinə göndərilib”.