XƏBƏR LENTİ

29 Sentyabr 2020

Digər Xəbərlər

08 Fevral 2018 - 17:24

“Efirdə ədəbsiz ifadə, söyüş səslənməsinin qarşısını almağa borcludurlar” –Telekanallara xəbərdarlıq

Milli Televiziya və Radio Şurası (MTRŞ) televiziyalarda müğənnilərin ifasında, nitqində yol verilən dil qüsurları ilə bağlı monitorinq aparılması məsələsinə münasibət bildirib.

MTRŞ-nın Ekspertiza, proqramlaşdırma və analitik şöbəsinin müdiri Təvəkkül Dadaşov “Report”a açıqlamasında deyib ki, şura yalnız aparıcıların ədəbi dil normalarına əməl edib-etmədiyini öyrənmək üçün monitorinqlər aparır. 

T.Dadaşov qeyd edib ki, verilişlərin digər iştirakçılarının dil qüsuruna görə yayımçıya qarşı konkret tələblər yoxdur: “Yayımçılar efirə dəvət olunan hər kəsin dil qüsuruna cavabdeh ola bilməzlər. Lakin əlbəttə ki, efirdə təmiz ədəbi dildən istifadə məsələsinə diqqət edilməlidir. Bununla belə, əgər veriliş iştirakçılarından kiminsə nitqində ədəbsiz ifadə, söyüş səslənərsə, yayımçı bunun qarşısını almağa borcludur. Əks təqdirdə, yayımçı məsuliyyət daşıyır”.

Qeyd edək ki, AMEA-nın Nəsimi adına Dilçilik İnstitutunun Monitorinq şöbəsi musiqi ifaçılarının ifasında, nitqində yol verilən dil qüsurları ilə bağlı monitorinqə başlayıb.