XƏBƏR LENTİ

29 Noyabr 2020
28 Noyabr 2020

Digər Xəbərlər

09 Dekabr 2018 - 11:32

“Ədəbi dilin televiziya və radiolarda bərbad hala salınması adiləşib” –Kafedra müdiri

“Son illərdə ictimaiyyəti narahat edən başlıca məsələlərdən biri Azərbaycan ədəbi dilinin kütləvi informasiya vasitələrində, xüsusilə, televiziyalar və radiolarda, sözün birbaşa mənasında, bərbad hala salınması, az qala adiləşib”.

Bunu Azərbaycan Dövlət Pedaqoji Universitetinin Azərbaycan dili kafedrasının müdiri Mahirə Hüseynova “Xalq qəzeti”ndə dərc olunan məqaləsində yazıb.

Onun sözlərinə görə, dil təəssübü çəkən ziyalılarımızı narahat edən faktor təkcə həmin informasiya vasitələri üçün “sevimli və aktual olan” mövzular və onların təqdimat formaları deyil, bu mövzuları hansı şəkildə auditoriyaya çatdırılan Azərbaycan dilidir:

“Maraqlı cəhət odur ki, həmin kontingent “təvazökarcasına” danışıq dilini, xalq dilini aktuallaşdırırıq – deyərək özlərinə bəraət də qazandırdıqlarının şahidi oluruq. Əlbəttə, bütün bunlar ictimaiyyətin və müvafiq qurumların fəal müqaviməti fonunda baş verənlərdir”.

Report