XƏBƏR LENTİ

10 Mart 2021

Digər Xəbərlər

05 May 2016 - 11:55

GIZ-dən jurnalistlər üçünnövbəti müsabiqə

Almaniya Beynəlxalq Əməkdaşlıq Cəmiyyətinin (GIZ) “Cənubi Qafqazda hüquq sahəsində Avropa standartlarına yaxınlaşma” regional proqramı jurnalistlər arasında növbəti müsabiqə elan edib. 

Strateq.az  xəbər verir ki,  “Əmək hüququ: qanunvericilik və təcrübə”mövzusuna dair çap və elektron məqalələrin müsabiqəsi  2016-cı il mayın 4-dən iyunun 15-dək  davam edəcək. Jurnalistlər bu müddətdə   dövri mətbuatda dərc edilən və ya internet resurslarında yerləşdirilən məqalələri ilə müsabiqəyə qatıla bilərlər. 

Müsabiqəyə əmək münasibətləri və əmək hüquqlarına   həsr olunmuş məqalələr, o cümlədən əmək münasibətlərinin tənzimlənməsinin  əsasları, əmək münasibətlərini tənzimləyən qanunvericilikdə olan boşluq   və   ziddiyyətlər,   qanunvericiliyin   tətbiqində   mövcud   olan   problemlər,   o   cümlədən   əmək münasibətlərinin   rəsmiləşdirilməsi,   işçilərə   ədalətli   və   əlverişli   əmək   şəraitinin   yaradılmasının vəziyyəti, əməyin mühafizəsi, işçilərin bədbəxt hadisələr və peşə xəstəliklərindən icbari sığortası ilə bağlı  vəziyyət,   qeyri-formal   əmək   bazarının   yaratdığı   problemlər,   o   cümlədən   ev   qulluğu   işləri, məcburi əmək halları ilə bağlı araşdırma yazılar təqdim edilə bilər. 

Müsabiqəyə həmçinin, işçilərin müəyyən   edilmiş   müddətlərdən   artıq   işlərə   cəlb   edilməsi,   istirahət   hüququnun   təmin   olunması,qadınların və uşaqların əmək bazarında iştirakı, əmək münasibətlərinin gender aspektləri, işəgötürən və işçilərin qarşılıqlı məsuliyyəti və bu sahədə olan problemlərə həsr olunan yazılar təqdim oluna bilər.

Qaliblər üçün mükafat nəzərdə tutulub:

Birinci yer – 500 AZN
İkinci yer –  400  AZN
Üçüncü yer –  300  AZN

Qeyd edək ki, hər bir jurnalist müsabiəyə birdən artıq məqalə təqdim edə bilməz. Müsabiqədə iştirak etmək istəyən şəxslər aktiv jurnalistika fəaliyyəti ilə məşğul olmalı və ən azı bir il peşəkar jurnalistika təcrübəsinə malik olmalıdırlar.