XƏBƏR LENTİ

16 Yanvar 2021
15 Yanvar 2021

Digər Xəbərlər

10 May 2016 - 15:03

Gürcüstanda iki azərbaycanlı jurnalistə “Əməkdar jurnalist” adı verildi –Əflatun Amaşovdan açıqlama

eflatun-22

Gürcüstanda iki azərbaycanlı media təmsilçisinə “Əməkdar jurnalist” adı verilib. Yüksək dövlət təltifinə layiq görülənlər Şahvələd Eyvazov və Binnət Məmmədovdur.

Strateq.az xəbər verirr ki, Milli Məclisin Azərbaycan-Gürcüstan parlamentlərarası dostluq qrupunun rəhbəri və Mətbuat Şurasının sədri Əflatun Amaşov bu hadisəni yalnız gürcüstanlı həmkarlarımızın çoxillik səmərəli fəaliyyətinə verilən qiymət kimi deyil, eyni zamanda qonşu ölkədə həmkarlarımıza həssas yanaşmanın nümunəsi kimi dəyərləndirib.

O bildirib ki, hər iki jurnalisti yaxından tanıyır, həyat və yaradıcılığına bələddir:

"Belə istedadlı insanlar gördüklərini, şahidi olduqlarını yüksək peşəkarlıqla qələmə almaqla kifayətlənmir, eləcə də iki xalqın tarixən formalaşan səmimi münasibətlərinin, dostluq körpüsünün möhkəmlənəmsinə misilsiz xidmətlər göstəyi özlərinin mənəvi borcu hesab edirlər".

Şura sədri deyib ki, mükafatlandırılan jurnalistlərin fəxri ada altmış yaşın tamamında layiq görülmələri onların zəhmətlərinə Gürcüstan dövləti səviyyəsində verilən yüksək qiymətdir:

 “Şahvələd Eyvazovu boya-başa çatdığı və yaşadığı Tbilisi şəhərindən tanıyıram. Kifayət qədər məşhur foto jurnalistdir. O, 24 ildir ki, ABŞ-ın “Assoşeyted Press” informasiya agentliyinin Qafqaz bürosunun əməkdaşıdır. Fotoları və yazıları Osetiyada, Abxaziyada, ən başlıcası isə Dağlıq Qarabağda nələrin baş verdiyi barədə minlərlə oxucuda aydın təsəvvürlər yaradıb.

Binnət Məmmədova gəldikdə isə həmkəndlimdir, Gürcüstan azərbaycanlılarının kompakt yaşadıqları ən iri yaşayış məntəqələrindən olan Faxralıdandır. “Gürcüstan”da işləməklə bərabər “Regionpress” qəzetinin də rəhbəridir. Yüzlərlə publisistik yazının müəllifidir. Bir çox istedadlı gəncə journalist peşəsini sevdirib”.

“Bu, çox yaxşı xəbərdir”, – deyə sevincini bölüşən millət vəkili dost ölkədə bu ənənənin davamlı olacağına əminliyini bildirib və hər iki qələm sahibinə Milli Məclisin Azərbaycan-Gürcüstan parlamentlərarası dostluq qrupunun və Azərbaycan Mətbuat Şurasının təbriklərini çatdırıb.