XƏBƏR LENTİ

10 Mart 2021

Digər Xəbərlər

26 May 2016 - 21:31

Ukraynanın “qara siyahı”sında olan jurnalistlər… –Mətbuat Şurasından bəyanat

eflatun-22

Ukraynanın “Mirotvorets” Tədqiqatlar Mərkəzi öz saytında davamlı olaraq yerli və xarici jurnalistləri “Donetsk Xalq Respublikası” (DXR) və “Luqansk Xalıq Respublikası” (LXR) adlanan quruluşlarla əməkdaşlıqda günahlandıraraq, onları terrorizmə dəstəkdə ittiham edir və fərdi məlumatlarını açıqlayır. Bu günə kimi dünyanın aparıcı KİV-lərinin nümayəndələri də daxil olmaqla 5 minə yaxın jurnalist barədə informasiya açıqlanıb.

Strateq.az xəbər verir ki, bu sözlər Azərbaycan Mətbuat Şurasının bu gün yaydığı bəyanatda yer alıb.

Bəyanatda daha sonra deyilir:

""Mirotvorets" hesab edir ki, həmin jurnalistlər “DXR” və “LXR” ərazisinə səfər etməklə, həmin quruluşlarda akkreditasiyadan keçməklə Ukraynanın ərazi bütövlüyünü təhdid edir, separatizmin və terrorçuluğun genişlənməsinə xidmət göstərirlər.

Bir müddət öncə mərkəz tərəfindən açıqlanmıyş yeni siyahıda müxtəlif ölkələrdən olan 293 nəfər juralistin, o cümlədən Azərbaycan KİV-lərini təmsil edən 11 nəfərin adı və fərdi məlumatları əks etdirilib.

Mətbuat Şurası məsələ ilə bağlı xüsusi araşdırma aparıb və müəyyən edib ki, adları həmin siyahıda əks olunmuş Azərbaycan jurnalistlərinin heç biri sözügedən ərazilərdə olmayıb və akkreditasiya üçün bu quruluşlara müraciət etməyib. Onların fəaliyyətində Ukraynanın ərazi bötüvlüyünə xələl gətirəcək, qeyri-qanuni əməl kimi səciyyələndirilə biləcək fakt aşkar olunmayıb. O da müəyyən edidlib ki, həmin jurnalistləri terrorçuluğa, separatçılığa dəstək verməkdə ittiham edən “Mirotvorets” təşkilatı buna əsas kimi KİV nümayəndələrinin Rusiya XİN-də akkreditasiyadan keçməsi və bu ölkə ərazisində fəaliyyət göstərməsi amilini rəhbər tutub. 

Mətbuat Şurası bəyan edir ki, “Mirotvorets” təşkilatının çoxlu sayda jurnalistin həyat və təhlükəsizliyini təhdid edən bu tipli fəaliyyəti beynəlxalq qanunvericiliyin tələblərinə, etik qaydalara və humanizm prinsipinə tamamilə ziddir. Jurnalistin qanunlar çərçivəsində fəaliyyətini məhdudlaşdırmaq cəhdi yolverilməszdir və heç bir sağlam məntiqlə izah oluna bilməz.

Mətbuat Şurası jurnalistlərin həyatını təhlükə altına alan bu tipli fəaliyyətə son qoyulması tələbi ilə Ukrayna hakimiyyətinə və bu ölkənin Azərbaycandakı səfirliyinə müraciət edəcəkdir".