XƏBƏR LENTİ

26 May 2020
25 May 2020

Digər Xəbərlər

17 Sentyabr 2016 - 20:59

“Verilənlər rüşvət idisə,…” –8 idman saytı "Neftçi" rəhbərliyinə qarşı bəyanat verdi

cingiz-3

Azərbaycanın tanınmış idman saytlarının rəhbərləri "Neftçi”nin Müşahidə Şurasının üzvü Bəhram Bağırzadənin bugünlərdə idman jurnalistləri ilə bağlı fikirlərinə etiraz olaraq bəyanat yayıb. 

Strateq.az həmin bəyanatı təqdim edir:

"Bir neçə gün əvvəl "Neftçi” PFK Müşahidə Şurasının üzvü Bəhram Bağırzadə öz feysbuk səhifəsi vasitəsilə bəyanat yaymış, azad idman mediasının ünvanına yersiz ittiham və ifadələr işlətmişdi. Sözügedən bəyanatın ağır məğlubiyyət sonrası yazıldığını, hisslərin soyuq başla düşüncəyə güc gəldiyini nəzərə alaraq gözləməyi, klub rəsmisinin sözlərinə düzəliş edəcəyi, üzr istəyəcəyini düşündük. Ancaq hələ də heç bir dəyişiklik yoxdur.

Bu səbəbdən də bu bəyanata qoşulan KİV-lərin nümayəndələri olaraq Bəhram bəyin diqqətinə çatdırırıq: "Komandanın uğursuz nəticələrinin mətbuatın üzərinə yıxılması özü-özlüyündə absurddur. Bəyanatınızda ümumiləşdirərək dediyiniz rüşvətxor media ifadəsinə görə isə üzr istəməyinizi gözləyirik.

Aşağıda adları qeyd olunan media nümayəndələri olaraq 3-5 nəfərin hərəkətinə görə adımızın ləkələnməsinə yol verə bilmərik. İfadələrinizdə konkret kimləri, ümumiyyətlə rüşvət dedikdə nəyi nəzərdə tutduğunuzu açıqlamağınız da gərəkdir.

Çünki ovaxtkı verilənlər rüşvət idisə, sizin də təmsil olduğunuz rəhbərliyin hazırda etdiyi nədir? Siz "Neftçi” üçün stadionlardan çəkilməyən, yay-qış, isti-soyuq demədən oyunlarda, müxtəlif tədbirlərdə iştirak edərək işini vicdanla görənlərin əziyyətini yerə vurur, jurnalist fəaliyyətini görməzdən gəlirsiniz. Hisslərin güc gəldiyi bəyanatın soyuq başla izahı və üzrxahlığınızı eşidəcəyimizə, bununla aramızdakı narazılıqların daha da böyüməsinə imkan verməyəcəyinizə inanırıq”. 

Bəyanat aşağıdakı KİV-lər tərəfindən imzalanıb:

1. Rekord.az

2. Fanat.az

3. Futbolpress.az

4. Komanda.az

5. Sport7.az

6. Korner.az

7. Futbolxeber.az

8. Sportinfo.az