XƏBƏR LENTİ

15 Avqust 2020
14 Avqust 2020

Digər Xəbərlər

25 Mart 2015 - 09:11

Azərbaycan G20-nin növbəti toplantısında iştirak edəcək
Azərbaycan G20 çərçivəsində növbəti toplantıda iştirak edəcək
1 dekabr 2014 – 30 noyabr 2015-ci il tarixlərini əhatə edəcək Türkiyənin G20 sədrliyi çərçivəsində Azərbaycan Respublikası G20 platformasında təşkil ediləcək bütün tədbirlərdə tamhüquqlu üzv kimi iştirak etməyə dəvət edilib.
Azərbaycan Xarici İşlər Nazirliyinin mətbuat xidmətindən Trend-ə verilən məlumata görə, G20 platformasında müzakirələr şerpa (dövlət və hökumət başçılarının xüsusi nümayəndələri) və maliyyə istiqaməti üzrə aparılır. ölkəmizdə maliyyə istiqaməti üzrə əlaqələndirmə Maliyyə Nazirliyi, şerpa istiqaməti üzrə əlaqələndirmə isə Xarici İşlər Nazirliyi tərəfindən həyata keçirilir.
2015-ci ilin 26-27 mart tarixlərdə Türkiyənin İzmir şəhərində şerpa istiqaməti üzrə ikinci toplantı keçiriləcəkdir. Toplantıda xarici işlər nazirinin müavini Mahmud Məmmədquliyev iştirak edəcəkdir. Həmçinin, İqtisadiyyat və sənaye, Əmək və əhalinin sosial müdafiəsi, Energetika nazirlikləri və Baş prokurorluğun əməkdaşlarından ibarət nümayəndə heyəti təmsil olunacaqdır.
Toplantıda G20 gündəliyi üzrə qlobal iqtisadiyyat, maliyyə tənzimlənməsi, vergi, məşğulluq, ticarət, anti-korrupsiya, inkişaf və enerji məsələləri müzakirə ediləcəkdir.