XƏBƏR LENTİ

29 May 2020
28 May 2020

Digər Xəbərlər

26 Yanvar 2017 - 12:58

Ermənilərin hədələdiyi özbək alimi İlham Əliyevə müraciət etdi:"Məni ölkəmdə rahat yaşamağa qoymurlar”

suxrat

Tanınmış özbək tarixçi-publisisti Şuxrat Salamov (Şuxrat Barlas) Özbəkistan prezidenti Şavkat Mirziyoyevə və Azərbaycan Respublikasının prezidenti İlham Əliyevə müraciət edib.

BakiPost.az saytı həmin müraciətin mətnini təqdim edib:

Hörmətli prezidentlər Şavkat Mirziyoyev və İlham Əliyev!

İcazənizlə sıravi vətəndaş kimi qeyd etmək istəyərdim ki, böyük səyləriniz sayəsində Özbəkistanın ilk prezidenti İslam Kərimov və Azərbaycanın ümumimilli lideri Heydər Əliyev tərəfindən qoyulan iki xalqın və dövlətin  sosial-siyasi və mədəni-iqtisadi əlaqələri  bu gün də yüksələn xətt üzrə davam etməkdədir. Özbəkistanın və Azərbaycanın  xarici və daxili siyasəti  özbək və Azərbaycan xalqlarının arasındakı qarşılıqlı hörmətə və dostluğa söykənir.

Hər iki ölkənin çox hörmətli prezidentləri!

Sizdən xahiş edirəm ki, ünvanıma və şəxsimə edilən , məruz qaldığım təhqirlər, təhdidlər və hədələrdən məni qoruyasınız.  Mənim sonuncu kitablarım çıxana qədər belə təhdidlər və hədələrlə rastlaşmamışdım. 2016-cı ilin dekabr ayının axırlarından başlayaraq, sosial şəbəkələr və saytlarda barəmdə böhtan və şər dolu məqalələr dərc olunmağa başladı. Bu məqalələri dərc edənlər Azərbaycan və Özbəkistan arasındakı inamlı və mehriban dostluq əlaqələrinə xələl gətirəcəklərini düşünürlər. Bütün bu təhdidlər də  erməni terrorizmi haqqında yazdığım elmi-publisist kitablarım "Türküstan və Cənubi Qafqaz XIX-XX əsrlərdə. Daşnaklar: Fərqanədən Qarabağadək” və "Qarabağ: ideyalar müharibəsi” işıq üzü görəndən sonra başlayıb. Erməni daşnakı xislətində olanlar  bizim tariximizin  heç bir akademik müzakirəsini məqbul hesab etmirlər. Kitabımda yer alan tezisləri normal insani münasibətləri müstəvisində müzakirə etmək əvəzinə, öz ölkəmdə mənim rahat yaşamağıma, iki xalqın tarixi həqiqətlərini yazıb yaratmağıma mane olur, məni hədələyirlər.

Onlar dayanmadan məni falsifikasiya, milliyyətçilikdə, pantürkizm, fırıldaqçılıqda ittiham edərək, haqqımda əsassız böhtanlar yayır, məni ekstremist qruplarla əlaqədə olduğumu yazaraq, şərəf və ləyaqətimi təhqir edirlər. Şəxsimə yönələn belə təhqirlər və böhtanlar səbəbindən  ailəmin də rahatlığı əlindən alınıb, normal şəraitdə işləyib, yarada bilmirəm.

Yuxarıda qeyd etdiyim halları nəzərinizə çatdırmaqla, Sizdən xahiş edirəm ki, iki xalqın dostluğu və qardaşlığı naminə mənə yardım edəsiniz.  AMEA-nın A.A.Bakıxanov adına Tarix İnstitutu tərəfindən təltif olunduğum fəxri doktor adına baxmayaraq, Azərbaycan Respublkasının Elmlər Akademiyasından mənim hüquqlarımın və təhlükəsizliyinin qorunması üçün şərait yaradılmasını istəyirəm.

Ümid edirəm ki, yuxarıda göstərdiklərimə əsasən düşdüyüm vəziyyətdən xilas olmaq, həyatımın təhlükəsizliyin təmin edilməsi üçün  mənə mənəvi  dəstək olacaqsınız. Mən də öz növbəmdə həmişəki kimi bizi istəməyənlərə Azərbaycan və Özbəkistan Respublikaları arasında, xalqımızın arasında olan qədim dostluq və qardaşlıq münasibətlərinin araşdırılıb dünyaya çatdırılmasında əlimdən gələni edəcəyəm.

Məktuba  izahlı ərizə şərhi də əlavə edirəm.

Hörmətlə, tarixçi publisist

Salamov Şuxrat Nasıroviç (Shuhrat Barlas)”.

 

Müraciətin nömrəsi:

30402-s/17

Müraciətin yoxlama kodu:

ef42d65630

ozbek alim