XƏBƏR LENTİ

29 May 2020
28 May 2020

Digər Xəbərlər

29 Yanvar 2017 - 01:25

Azər Qasımlı 5 saat prokurorluqda dindirildi –Bazar ertəsi də Natiq Cəfərli çağrılıb

azer-qasimli-1

“Müstəntiq mənə 5 saat İran səfirliyinin əməkdaşı ilə görüşdən suallar verdi”, – REAL-ın İdarə Heyətinin üzvü Azər Qasımlı Azadlıq Radiosuna açıqlamasında belə deyib.

O, yanvarın 28-də Baş Prokurorluğun Ağır Cinayətlərə dair İstintaq İdarəsində dindirilib.

Azər Qasımlının sözlərinə görə, yanvarın 19-da İranın Azərbaycandakı səfirliyinin əməkdaşı REAL-ın ofisinə gələrək, onlarla görüşüb: “Almaniyanın, ABŞ-ın, Böyük Britaniyanın, digər səfirliklərin də əməkdaşları bizim ofisdə olublar. İran səfirliyinin əməkdaşı ilə görüşdən dərhal sonra mətbuat üçün açıqlama yaydıq, “facebook” səhifələrimizdə fotolar paylaşdıq”.

Azər Qasımlı deyir ki, istintaqı REAL-ın partiyalaşması məsələsi də maraqlandırıb və o, bu istiqamətdə də sualları cavablandırıb: “Birinci gün də təşkilatın icraçı katibi Natiq Cəfərli istintaqa çağrılıb”.

Xatırladaq ki, yanvarın 27-də virtualaz.org saytında Eynulla Fətullayevin imzasıyla “İran xəfiyyəsi Bakıda İlqar Məmmədovun adamları ilə görüşdü, REAL-a pul ayırdı” başlıqlı məqalə yayılıb. Məqalədə REAL üzvlərinin İranın Azərbaycandakı səfirliyinin səlahiyyətli şəxsi ilə görüşdüyü deyilirdi. Yazıda iddia olunduğuna görə, görüşdə REAL-çılar İran səfirliyi və müxalif “milli-demokratlar” arasında vasitəçilik etməyə boyun olaraq, üstəlik, İrandan ilk maliyyə dəstəyi də alıblar.

Bundan sonra Baş Prokurorluq araşdırma başladıb.