Bu gün Rusiya, Türkiyə, İran və BMT ekspertləri Suriyada atəşkəs sazişinin həyata keçirilməsini müzakirə etmək üçün Qazaxıstanın paytaxtı Astanada texniki görüş keçirir.

Strateq.az xəbər verir ki, bu barədə Qazaxıstanın Xarici İşlər Nazirliyinin yaydığı məlumatda deyilir.

Nazirliyin mətbuat xidmətinin rəhbəri Anuar Jaynakov danışıqlarda ilk dəfə İordaniya nümayəndələrinin iştirak edəcəyinin gözlənildiyini bildirib. Onun sözlərinə görə, iclasın gündəliyinə hərbi əməliyyatların dayandırılmasından sonra Suriyanın silahlı müxalifəti ilə atəşkəs təklifinin müzakirəsi və onu həyata keçirmə seçənəkləri daxildir.

"Söhbət atəşkəs rejiminə nəzarət etmək üçün mexanizm yaratmaqdan gedir", – deyə XİN sözçüsü bildirib.

A.Jaynakov qapalı görüşdəki nümayəndə heyətlərinin tərkibi açıqlamayıb.