XƏBƏR LENTİ

10 Mart 2021

Digər Xəbərlər

09 Fevral 2017 - 14:57

Milli Məclisin sədr müavini:“Lapşinlə bağlı məsələni siyasiləşdirməyə ehtiyac yoxdur”

ziyafet-esgerov

 “Lapşinlə bağlı məsələni siyasiləşdirməyə ehtiyac yoxdur. Söhbət tam hüquqi müstəvidə ikitərkibli cinayət törətmiş bir şəxsin cinayət məsuliyyətinə cəlb olunmasından gedir”.

bu sözləri Aleksandr Lapşinin Azərbaycana ekstradisiyası ilə bağlı fikirlərini bölüşən Milli Məclis sədrinin birinci müavini, müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov deyib.

Vitse-spikerin sözlərinə görə, bir neçə dövlətin vətəndaşlığını daşıyan Aleksandr Lapşin Azərbaycanın qanunlarını pozaraq işğal altında olan ərazilərə səfər edib, qanunsuz rejimin beynəlxalq səviyyədə təbliğini aparmağa çalışıb, Azərbaycanın beynəlxalq səviyyədə tanınmış ərazi bütövlüyünə qarşı açıq çağırışlar edib.

“ “Birincisi Avropa Şurasının “Ekstradisiya” haqqında 1957-ci il 13 dekabr tarixində Parisdə qəbul olunmuş Konvensiyası var. Azərbaycan bu konvensiyanın üzvüdür. Bu konvensiyanın 6-cı maddəsinə görə də Azərbaycanın həm öhdəlikləri, həm də hüququ var ki, onun ərazisində cinayət törətmiş şəxsi harada olmasından asılı olmayaraq tələb etsin. İkincisi Müstəqil Dövlətlər Birliyinin 1993-cü il də imzalanmış “Mülki ailə və cinayət işləri üzrə münasibətlər haqqında konvensiyasına görə, dövlətlər Müstəqil Dövlətlər Birliyinin hər hansı birinin ərazisində cinayət törətmiş şəxsin digər dövlətə ekstradisiyası haqqında üzərlərinə öhdəlik götürürlər”.

Z. Əsgərov qeyd edib ki, 2002-ci ildə imzalanmış və 2004-cü ildə qüvvəyə minmiş Kişinyov Konvensiyasında da dövlətlər eyni öhdəliyi üzərlərinə götürürlər.

“Eyni zamanda, Azərbaycan Respublikasının milli qanunvericiliyi var. 2001-ci ildə biz “ekstradisiya haqqında” qanun qəbul etmişik. Bu qədər hüquqi sənədlər var. Azərbaycan bu sənədlərə əsaslanaraq Belarus Respublikasının mühafizə orqanlarına müraciət edib. Onlar da Beynəlxalq hüququn fundamental prinsiplərinə hörmət edərək Azərbaycanın bu müraciətini yerinə yetiriblər. Bu məsələnin kökü, mahiyyəti beynəlxalq hüquqa əsaslanır”, – deyə Ziyafət Əsgərov vurğulayıb.