XƏBƏR LENTİ

10 Mart 2021

Digər Xəbərlər

02 May 2017 - 13:27

YAP-çı deputat:"Bu cür yanaşma ilə Avropa strukturları hara gedir?"

Avropa Şurası Parlament Assambleyasının Türkiyəni post-monitorinqdən monitorinq mövqeyinə keçirməsi ilə bağlı qərarı gözlənilən idi”.

Bunu Yeni Azərbaycan Partiyasının (YAP) icra katibinin müavini, deputat Siyavuş Novruzov Milli Məclisin bu gün keçirilən iclasında deyib.

O, Avropanın Azərbaycana və Türkiyəyə qarşı dəfələrlə ədalətsiz mövqe sərgilədiyini xatırladaraq, deyib ki, bu, eyni missiyanın davamıdır:

“Avropa Türkiyənin daxili işlərinə qarışır. Yersiz müzakirələr aparır. Türkiyə Konstitusiyasına dəyişikliklərlə bağlı referendum ədalətli keçirilib, amma Avropa nədənsə məmnun deyil. Nəticələr 86-90 faiz olanda deyirlər ki, faiz çoxdur. 51 faiz olanda da deyirlər, azdır. Bu cür yanaşma ilə Avropa strukturları hara gedir?

Türkiyədə ədalətli səsvermənin nəticəsi idi ki, əhalinin 48 faizi əleyhinə səs vermişdi. Avropada məktəbdə bir terror oldu, açığı bilinmədi bunu özləri edib, yoxsa həqiqətən terror təşkilatı edib, dərhal hay-küy saldılar. Amma Türkiyədə baş verənlərlə bağlı səsləri çıxmır”. 

APA