XƏBƏR LENTİ

10 Mart 2021

Digər Xəbərlər

11 May 2017 - 11:33

“Hazırda nə Sabir Hacıyevlə, nə də İqbal Ağazadə ilə münasibətim var” –Ayaz Mütəllibov

“Hazırda nə Sabir Hacıyevlə, nə də İqbal Ağazadə ilə münasibətim var. Nə onlar mənə zəng edir, nə də mən onlara. İqbal Ağazadə ilə 1999-2000-ci illərdə bir dəfə Vətəndaş Birliyi Partiyası ilə bağlı görüşümüz olub. Səhv etmirəmsə, Sabir Hacıyevlə bir yerdə Moskvaya gəlmişdi. Həmin vaxt biz Azərbaycan məscidində görüşdük. O vaxtdan sonra İqbal Ağazadə ilə bir araya gəlib görüşməmişik. Düşünürəm ki, hər kəs öz işilə məşğuldur”.

Bunu Modern.az-a açıqlamasında eks-prezident Ayaz Mütəllibov deyib.

Eks-prezident daha kiminləsə əlaqə saxlamağı düşünmür: “Səhhətimlə əlaqədar heç yerə çıxmıram. Ona görə də heç kəslə əlaqəm yoxdur. Təqaüdçü adamam. Bundan sonra kiminləsə əlaqə saxlamağı düşünmürəm”.

Qeyd edək ki, Vətəndaş Birliyi Partiyasının sədri Sabir Hacıyev, Ümid Partiyasının sədri İqbal Ağazadə və eks-prezident Ayaz Mütəllibov vaxtilə eyni partiyada təmsil olunublar.