XƏBƏR LENTİ

11 Dekabr 2019
10 Dekabr 2019

Digər Xəbərlər

30 May 2017 - 14:17

AXCP sədrinin müavini Gözəl Bayramlı  apellyasiya şikayəti verib–VƏKİL

AXCP sədrinin müavini Gözəl Bayramlı barədə həbs qətimkan tədbiri seçilməsindən, mayın 25-də gömrük məntəqəsində saxlanılmasından, ona qarşı qeyri-insani rəftar edilməsindən verilən şikayət Bakı Apellyasiya Məhkəməsinə daxil olub.

Bu barədə vəkil Elçin Sadıqov facebook səhifəsində bildirib. Onun sözlərinə görə, apellyasiya şikayətinə mayın 31-də və yaxud iyunun 1-də baxılacaq. Vəkil Bayramlının yaşadığı evdə axtarış və götürmə aparılmasından da apellyasiya şikayəti verib.

“Axtarış və götürmə ilə bağlı məhkəmə qərarı təqdim etmişdilər. Hansı ki, axtarış və götürmə üçün qanuni əsaslar mövcud deyildi. Bununla bağlı da şikayətimiz bu gün Bakı Apellyasiya Məhkəməsinə daxil olub”, -deyə o qeyd edib.

Gözəl Bayramlı mayın 25-də Gürcüstandan Azərbaycan ərazisinə keçərkən Qazax rayonunun Şıxlı sərhəd nəzarət buraxılış məntəqəsində (Bakıdan 536 kilometr qərb) Dövlət Gömrük Komitəsinin əməkdaşları ilə birgə keçirilmiş tədbirlər nəticəsində saxlanılıb. "G. Bayramlı özünü şübhəli apardığına görə əl yükünə baxış keçirilərkən bəyan edilməmiş 12 min ABŞ dolları məbləğində pul vəsaiti aşkar olunaraq götürülüb. Faktla bağlı Dövlət Sərhəd Xidmətinin İstintaq və Təhqiqat İdarəsində Cinayət Məcəlləsinin 206.1-ci (qaçaqmalçılıq) maddəsi ilə cinayət işi başlanıb", Dövlət Sərhəd Xidməti bildirib.

Mayın 26-da Səbael rayon Məhkəməsi Bayramlı barəsində 3 ay həbs-qətimkan tədbiri seçib.