XƏBƏR LENTİ

22 Sentyabr 2020
21 Sentyabr 2020

Digər Xəbərlər

27 Noyabr 2015 - 10:36

Məmmədyarov Çavuşoğlu ilə görüşdə təsdiqlədi: prezidentlər görüşəcək

“Gələn ay Ermənistan və Azərbaycan prezidentlərinin görüşü keçiriləcək”.

Bu sözləri Azərbaycanın Xarici İşlər naziri Elmar Məmmədyarov Türkiyənin Xarici İşlər naziri Mövlud çavuşoğlu ilə Bakıda keçirdiyi mətbuat konfransında deyib.  

Elmar Məmmədyarov bildirib ki, Rusiyanın Xarici İşlər naziri Sergey Lavrov Ermənistan səfəri zamanı təkliflərlə çıxış edib:

“Baxmayaraq ki, Sergey Lavrov Ermənistana tək getmişdi. Amma o, problemin həlli istiqamətində həmsədr ölkənin rəsmi şəxsi kimi müzakirələr aparıb. Bu münaqişə regionda sosial iqtisadi problem yaradır”.  Mövlud çavuşoğlu isə Dağlıq Qarabağ münaqişəsinin həllində Azərbaycana bundan sonra dəstək veriləcəyini bildirib. “Biz bu məsələnin həllində Azərbaycanın mövqeyini dəstəkləyirik. Minsk Qrupunu Dağlıq Qarabağ münaqişəsinin həllində aktiv olmağa çağırırıq”.  

M.çavuşoğlu Azərbaycan prezidenti İlham Əliyevlə, baş nazir Artur Rəsizadə və Milli Məclisin spikeri Oqtay Əsədovla görüşüb. Sosial şəbəkədəki səhifəsində qeyd edilib ki, prezidentlə görüşdə uzunmüddətli Türkiyə-Azərbaycan əlaqələri müzakirə edilib. çavuşoğlı həmçinin Azərbaycanla birgə həyata keçirilən enerji layihələrinə toxunaraq bildirdi ki, əməkdaşlıq bundan sonra da davam edəcək:

“Bakı-Tiflis-Qars dəmiryolu layihəsi tez bir zamanda həyata keçiriləcək. Biz bu layihə ilə kifayətlənmək istəmirik. çinə qədər olan xətdə Azərbaycan böyük rol oynayacaq. Türkiyə-Azərbaycan-Türkmənistan görüşü oktyabrda baş tutmadı, amma 2016-cı ildə baş tutacaq. Azərbaycanla Türkiyə arasında hər sahədə münasibətlər yüksək səviyyədə inkişaf edir”.

Dövlət rəsmiləri ilə danışıqlarda həmçinin parlamentlərarası əlaqələrin sonrakı inkişafı da müzakirə edilib.  

Görüşlərdən öncə o, Fəxri Xiyaban və Şəhidlər Xiyabanında, türk şəhidliyində olub. Bakının mənzərəsini izləyib.

ANS