XƏBƏR LENTİ

22 Sentyabr 2020

Digər Xəbərlər

05 İyul 2017 - 13:36

Salehi Əmiri:"İran Azərbaycan ilə əlaqələrə heç bir məhdudiyyət qoymur"

Mən bir hökumət üzvü kimi bəyan edirəm ki, İran Azərbaycan ilə əlaqələrin genişləndirilməsinə heç bir məhdudiyyət qoymur.

Bu sözləri Azərtac-a müsahibəsində İranın mədəniyyət və islam irşad naziri Salehi Əmiri deyib.

Nazir bildirib ki, Azərbaycan İranın ən yaxın qonşusu, dostu və qardaşıdır. Xalqlarımızın bənzər mədəniyyətə, milli mənəvi dəyərlərə və adət-ənənələrə malik olması dövlətlərdən də yaxınlaşmağı, dostluğu tələb edir. İran prezidenti Həsən Ruhani daim xalqın maraqlarını qoruyaraq Azərbaycan ilə yüksək səviyyədə əməkdaşlıq siyasəti yürüdür.

Salehi Əmiri vurğulayıb ki, İran ilə Azərbaycan arasında sərhədlər yalnız dövlətlər arasında mövcuddur, xalqlarımız arasında isə heç bir sərhəd yoxdur.

Nazirin sözlərinə görə, Azərbaycan dili İranda çox işlədilir və öz şirinliyi ilə seçilir.