XƏBƏR LENTİ

10 Mart 2021

Digər Xəbərlər

15 Oktyabr 2017 - 16:16

Ariel Koen:“Silaha pul xərcləməyin yox, Qarabağ problemini həll etməyin vaxtıdır”

Silaha pul xərcləməyin deyil, Dağlıq Qarabağ münaqişəsinin həllini düşünməyin vaxtı gəlib çatıb”.

Bunu Trend-ə Enerji, təbii ehtiyatlar və geosiyasət Mərkəzinin direktoru, Qlobal təhlükəsizliyin təhlili İnstitutunun aparıcı eskperti, "International Market Analysis" şirkətinin təsisçisi Ariel Koen deyib.

Ekspert bildirib: "Ermənistan son illər Rusiyadan böyük miqdarda silah alıb. Azərbaycan öz növbəsində, 5 milyard dollara qədər məbləğdə silahı alıb, bu da İsrailə məxsus olan silahının miqdarı ilə, demək olar ki, eynidir".

Ekspert bildirib ki, alınan silahların keyfiyyəti və sayına görə Ermənistan Azərbaycanla müqayisə oluna bilməz.

"100 milyon dollarlıq silah Ermənistanın silahlanma üzrə Azərbaycandan geri qalmasına heç bir təsir göstərməyəcək", – deyə qeyd edən ekspert əlavə edib ki, bu uzanmış münaqişəni həll etməyin vaxtı çatıb.

Qeyd edək ki, 2015-ci il noyabrın 26-da imzalanmış razılaşmaya əsasən, Rusiya Ermənistana müasir silahlar almaq üçün 200 milyon dollar kredit vermək öhdəliyi götürüb. Oktyabrın 12-də 100 milyon dollarlıq birinci kredit paketi təsdiq edilib. Müqaviləyə əsasən, 100 milyonluq kredit Ermənistana 20 il müddətinə verilir. Bu müddətin 5 ilinin illik 3 faiz dərəcəsi ilə güzəştli olması nəzərdə tutulub.