XƏBƏR LENTİ

02 Dekabr 2020
01 Dekabr 2020

Digər Xəbərlər

22 Noyabr 2017 - 16:58

Tahir Kərimli maliyyə aministiyası təklif etdi:“Mən çox narahatam”

“Biz niyə büdcədə neftin qiymətini 50 dollardan aşağı götürməliyik?”.

Bu sualla parlamentdə çıxışı zamanı deputatı Tahir Kərimli hökumətə müraciət edib. Deputat deyib ki, bütün beynəlxalq təşkilatların proqnozuna görə, neftin 1 bareli 50 dollardan aşağı olmayacaq:

“Niyə bizim hökumət qiymətin aşağı düşə biləcəyini düşünür? Əgər biz 48-50 dollardan götürsək, bu zaman büdcədə canlanma yaranacaq, gəlirlər artacaq. Büdcə kəsiri 778 milyon manatdır. Ancaq bundan narahat olmağa dəyməz. Hər il “Əsrin Müqaviləsi”ndən 450 milyon dollar və ya 765 milyon manat əlavə vəsait daxil olacaq ki, bu da büdcə kəsirini qaradan qaldırmağa imkan yaradacaq. Daxili və beynəlxalq borclara görə, narahat olmağa dəyməz”.

Deputat qeyd edib ki, maliyyə amnistiyası elan olunmalıdır ki, bir çox şəxslər öz kapitallarını ölkəmizə qoysun. Tahir Kərimli eyni zamanda təmsil etdiyi bölgənin problemlərindən də danışıb: “Ağsu yeganə şəhər mərkəzidir ki, küçələr asfaltlaşıb, elektrik problemi yoxdur. Ancaq bəzi kəndlərdə su problemi var. İsmayıllıda bəzi kəndlərdə yol problemi var. Ağsunun özündə 5 məktəbin təmirinə ehtiyac var”.

 Deputat həmçinin Taarif Şurasında nazirlərin şəxsən təmsil edilməsinin də önəminə diqqət çəkib: “Mərkəzi Bankın sədri dedi ki, manat xarici şoklardan asılıdır. Mən çox narahatam. Taarif Şurası deyə bilərmi ki, yanacaq qalxacaq ya yox? Çünki qalxsa, qiymət artımı baş verəcək. Deputat həmkarlarım da çıxışlarında bu məsələlədən narahatlığını dilə gətirdilər. Məncə, Taarif Şurasına ya nazirlərin özləri daxil olsun, ya da bu məsələni hökumət nəzarət etsin”.  (Modern.az)