XƏBƏR LENTİ

21 Oktyabr 2020

Digər Xəbərlər

05 Fevral 2018 - 13:50

Əli Əliyevdən növbədənkənar seçki qərarına şərh:“Hazırlıqsız yaxalandıq”

“Aprel ayında növbədənkənar prezident seçkisinin təyin edilməsi müxalifət olaraq bizim hazırlıq işlərimizə təsir edəcək”.

Bu barədə musavat.com-a açıqlamasında Vətəndaş və İnkişaf Partiyasının prezidentliyə namizədi Əli Əliyev bildirib. O qeyd edib ki, növbədənkənar seçkiyə gediləcəyi gözlənilən idi: “Mən bu seçkini gözləyirdim. Eksklüziv olaraq da “Yeni Müsavat”  qəzetinə təxminən 2 ay əvvəldən bildirmişdim ki, mart ayında və ya apreldə növbədənkənar seçkinin ola biləcəyi ehtimalı var. Qəfil növbədənkənar seçki əlbəttə ki, bizim planlarımıza təsir edən qərardır. Çünki iş planımız 9 aylıq tərtib olunmuşdu. İndi həmin həcmi 2 aya icra etməliyik. Resurslar da o müddətə hesablanmışdı. Lakin heç nə etmək olmaz. Sərəncam imzalanıb, qrafikə uyğunlaşmalıyıq. Hazırlıqsız yaxalanmamız faktdır və vaz keçilməzdir”.

Əli Əliyevin fikrincə, bu hadisəyə müxalifət adekvat olmağı bacarmalıdır, təmaslar sürətlənməlidir: “Müxalifətin təmasları intensivləşdirməsi, xalqla işləməsi zəruridir. Əks halda biz diktə olunan qaydalarla növbəti məğlubiyyətə doğru iri addımlarla qaçacağıq”.