XƏBƏR LENTİ

10 Mart 2021

Digər Xəbərlər

01 İyun 2018 - 21:26

Eliçbəyin 80 illiyi ilə bağlı tədbirin vaxtı müəyyənləşdi –Ankara, Moskva və İsveçdə də yubiley qeyd ediləcək

Bu gün “Elçibəy-80” İctimai Təşkilat Komitəsinin növbəti iclası keçirilib.

“Qafqazinfo”nun verdiyi xəbərə görə, iclasda indiyə kimi görülən işlərlə bağlı məruzə dinlənilib. 

İclasda millət vəkilləri Qüdrət Həsənquliyev, Fazil Mustafa, partiya sədrlərindən Mirmahmud Mirəlioğlu, Pənah Hüseyn, Sülhəddin Əkbər, sabiq deputat Arzu Səmədbəyli və digər ictimia-siyasi şəxslər iştirak ediblər.

Qərara alınıb ki, Əbülfəz Elçibəyin 80 illik yubileyi tədbiri 22 iyun saat 11-də keçiriləcək. İyunun 24-ü saat 10:30-da Əbülfəz Elçibəyin məzarı ziyarət olunacaq. 

80 illik yubileylə bağlı təkliflər hazırlanması və işlərin davam etdirilməsi üçün İşçi Qrupuna tapşırıqlar verilib. Yazının müsabiqəsinin gedişatı, kitabların nəşri və xüsusi buraxılışla bağlı məlumatlar dinlənilib və bu istiqamətdə işlərin sürətləndiriləsi tövsiyə olunub.

Bundan başqa, Arzu Səmədbəyli çıxışında məlumat verib ki, iyunun 9-u və 10-da Ankarada, Moskvada və İsveçin Göteburq şəhərində Əbülfəz Elçibəyin 80 illik yubileyi ilə bağlı tədbirlər keçiriləcək.