XƏBƏR LENTİ

01 Oktyabr 2020
30 Sentyabr 2020

Digər Xəbərlər

01 Noyabr 2018 - 12:00

Politoloqdan sensasion ittiham:"Anjey Kaspşik bizim faciəmiz üzərində bir neçə villa alıb"

“Millət vəkili Zahid Orucun parlamentdə səsləndirdiyi təklifi dəstəkləyirəm. ATƏT-in Minsk Qrupu və həmsədrlər 20 ildən çoxdur turistik səfərlərlə məşğuldurlar”.

Strateq.az xəbər verir ki, bunu politoloq Elxan Şahinoğlu deyib.

Onun sözlərinə görə, Ermənistan-Azərbaycan münaqişəsinin nizamlanması ilə məşğul olan həmsədrlik institutu bu illər ərzində səmərəsiz fəaliyyətlə yadda qalıb:

“Polşalı Anjey Kaspşik ölkəsinin XİN sisteminə qayıtmır ki, ATƏT-in bölgədəki təmsilçisi kimi, yaxşı maaş alır, bu illərdə əldə etdiyi gəlir hesabına bir neçə villa alıb. Bu məlumatı Polşadakı diplomatik mənbələrdən əldə etmişəm. Yəni bizim faciəmiz üzərində varidatını artırır, heç bir iş də görmür, o birilər də elə. Ona görə də danışıqları vasitəçisiz, birbaşa qarşı tərəfin təmsilçiləri ilə davam etdirmək lazımdır. Əlbəttə, bu o demək deyil ki, nəticə olacaq. Ancaq heç olmasa, bilərik ki, bizim dərdimiz üzərində böyük dövlətlər manipulyasiya ilə məşğul deyillər”.

Politoloq deyib ki, danışıqları birbaşa işğalçı ilə aparmaq lazımdır ki, nəticə olmadıqda məsuliyyət onun üzərində qalsın: “Yoxsa həmsədlər gedirlər İrəvana, oradan gəlirlər Xankəndiyə və Bakıya, ordan bura, burdan da ora xəbər aparırlar, ortada da heç nə yox”.