XƏBƏR LENTİ

24 Noyabr 2020
23 Noyabr 2020

Digər Xəbərlər

28 Yanvar 2019 - 20:20

Avropa İttifaqı Ermənistanda siyasi fəalın ölümünün araşdırılmasını tələb etdi –Açıqlama

“Avropa İttifaqı (Aİ) Ermənistandan “Erməni qartalları – vahid Ermənistan” ictimai təşkilatının sədr müavini, “Haynews.am” xəbər saytının məsul şəxsi Mger Yegiazaryanın ölümü ilə bağlı işin müvafiq şəkildə araşdırılmasını gözləyir”.

Bunu Aİ-nin xarici işlər və təhlükəsizlik siyasəti üzrə ali komissarının mətbuat katibi Maya Kosyançiç deyib. Onun sözlərinə görə, Ermənistanın istintaq idarəsi M.Yegiazaryanın ötən həftənin sonu aclıq aksiyasından sonra öldüyünü təsdiq edib: “Ümumiyyətlə, Aİ bütün növ işgəncə formalarının və sərt davranışların qadağan olunmasının tərəfdarıdır və istənilən şəraitdə insan ləyaqətinin müdafiəsinə sadiqdir və bu kontekstdə biz gözləyirik ki, Ermənistan hökuməti bu işin müvafiq araşdırmasını təmin edəcək və araşdırmadan sonra zəruri tədbirlər görəcək. İş barəsində məlumatımız var və gözləyirik ki, Ermənistan rəhbərliyi fəaliyyət göstərəcək”.