XƏBƏR LENTİ

27 May 2020
26 May 2020

Digər Xəbərlər

18 Fevral 2019 - 12:44

Rüstəm İbrahimbəyov Azərbaycanı tərk etdi –Rusiyaya qayıdıb

80 yaşını Azərbaycanda qeyd edən tanınmış kinorejissor Rüstəm İbrahimbəyov ölkəni artıq tərk edib.

Bu barədə Rüstəm İbrahimbəyovun dostları Modern.az-a açıqlamasında söyləyiblər: “Hazırda Rüstəm İbrahimbəyov Heydər Əliyev adına hava limanındadır. O, Azərbaycanı tərk edib Moskvaya qayıdır”.
Qeyd edək ki, dünən  Azərbaycan Kinematoqrafçılar ittifaqı İdarə Heyətinin iclası keçirilib. Daha sonra dostları həmin ittifaqın sədri Rüstəm İbrahimbəyovun 80 illik yubileyini qeyd etmək üçün məclis təşkil ediblər.  Sosial şəbəkələrdə R.İbrahimbəyovun iştirak etdiyi məclisdən fotoşəkillər də paylaşılıb.

Şəkildən görünür ki, məclisdə Azərbaycan Yazıçılar Birliyinin (AYB) sədri Anar, Azərbaycan Rəssamlar İttifaqının sədri Fərhad Xəlilov, professor Qulu Məhərrəmli, kinorejissor Tahir Tahiroviç, şair Baba Vəziroğlu və başqa tanınmış şəxslər yer alıb.

Qeyd edək ki, 2013-cü ilin prezident seçkilərində Milli Şurasının vahid namizədi olaraq Rüstəm İbrahimbəyovun namizədliyi irəli sürülsə də, o, Bakıya gələ bilmədi.