XƏBƏR LENTİ

16 Noyabr 2019
15 Noyabr 2019

Digər Xəbərlər

16 Oktyabr 2019 - 21:09

YAP-dan müxalifətin aksiya qərarına sərt reaksiya:"Bu, təxribatdan başqa bir şey deyil”

“Radikal müxalifətin əhalinin gur olan yerində kütləvi aksiya keçirmək istəyi təxribatdan başqa bir şey deyil”.

Strateq.az xəbər verir ki, bu sözləri “Modern.az”a açıqlamasında Milli Şuranın 19 oktyabra planlaşdırdığı mitinqi haqqında danışarkən Milli Məclisin deputatı, Yeni Azərbaycan Partiyasının şöbə müdiri Aydın Mirzəzadə söyləyib.

Deputat qeyd edib ki, kütləvi aksiyalar heç bir halda insanların hərəkətinə, təhlükəsizliyinə, nəqliyyatın fəaliyyətinə mane olmamalıdır:

“Dünyanın heç bir yerində heç bir mitinq, heç bir piket insanların hərəkət etdiyi, nəqliyyatın gur olan yerində keçirilmir. Bu, təxribatdır. Belə etmək istəsələr, bunu keçirən müxalifət qanadı öz hüquqi cavabını alacaq”.

Qeyd edək ki, Bakı Şəhər İcra Hakimiyyəti (BŞİH) Milli Şuranın mitinqinin oktyabrın 19-da saat 15:00-dan 17:00-dək Lökbatan qəsəbəsi, 28 may küçəsi “Neftçi İdman Klubu”nunda keçirilməsinə icazə verib.

Şura təmsilçiləri isə bu qərarla razılaşmayaraq, mitinqi metronun 28 may stansiyasının çıxışında keçirməkdə israrlı olduqlarını diqqətə çatdırıblar.