“Seçkilərlə bağlı hələlik ən böyük qanun pozuntuları Zaqatalada baş verir”.

Strateq.az xəbər verir ki, bu sözləri Müsavat başqanı Arif Hacılı sosial şəbəkədəki hesabında yazıb.

O bildirib ki, 110 və 111-saylı dairələrdə namizədlərin sənədləri qəbul edilmir, namizədlərə imza vərəqələrinin verilməsindən imtina olunur: “110 saylı Dairə Seçki komissiyasının sədri Fikrət Mustafayev namizədlərdən birinə fiziki təziq göstərib. Müsavat Partiyasının namizədi Saleh Soltanova, hətta MSK-dan tapşırılsa da, bu gün də imza vərəqələri verilməyib…”.

Partiya sədri deyib ki,  hətta sovet dövrünün raykom katibləri yerli əhali ilə belə davranmayıb: “Ümid edirəm ki, burada yazdıqlarımdan hərə özü üçün nəticə çıxaracaq və biabırçı davranışlara son qoyulacaq”.