XƏBƏR LENTİ

19 Sentyabr 2020
18 Sentyabr 2020

Digər Xəbərlər

15 İyul 2020 - 15:32

Sülhəddin Əkbərin partiyası da bəyanatla çıxış etdi:"Hakimiyyətin milli maraqlarımız üçün atacağı addımları dəstəkləməyə hazırıq"

Tanınmış analitik Sülhəddin Əkbərin rəhbərlik etdiyi Azad Demokratlar Partiyası (AzDP) son günlər Azərbaycanın dövlət sərhəddində baş vermiş düşmən təxribatı ilə bağlı bəyanatla çıxış edib.

Strateq.az xəbər verir ki, partiyanın bəyanatında baş vermiş bu təxribatın geopolitik mahiyyətinə və məqsədlərinə diqqət çəkilərək, Azərbaycan hakimiyyətindən milli maraqlarımızın qorunması istiqamətində qəti addımlar atmaq tələb edilir və AzDP-nin, hakimiyyətin bu yöndə atacağı addımları hərtərəfli dəstəkləməyə, hətta öz siyasi fəaliyyətini müvəqqəti dayandırmağa da hazır olduğu bəyan edilir.

Bəyanatın tam mətnini təqdim edirik:

“Azad Demokratlar Partiyası dünyada, regionda, xüsusilə də ölkəmizdə yaranmış vəziyyəti:

– yeni dünya nizamı quruculuğunun son mərhələyə daxil olduğunu və koronavirus pandemiyasının bu prosesi sürətləndirdiyini;

– geopolitik qarşıdurmanın qlobal və regional səviyyədə həlledici mərhələyə daxil olduğunu;

– dünyada, xüsusilə qonşu regionlarda (Orta Şərq və postsovet məkanı) gedən geopolitik, geostrateji, geoekonomik və geokültürəl proseslərin regionumuza mənfi təsirlərinin artdığını;

– yaranmış durumda neoimperialist Putin Rusiyasının daha aqressiv xarici siyasət aparmağa, xüsusilə dağılmasını “XX əsrin geopolitik fəlakəti” hesab etdiyi keçmiş SSRİ-nin “torpaqlarını yığmağa” davam etməsini;

– Cənubi Qafqaz və Xəzər regionunda formalaşmış ağır və mürəkkəb hərbi-siyasi durumun bu fonda daha da ağırlaşdığını və mürəkkəbləşdiyini;

– formalaşmış və inkişafda olan mənfi qlobal və regional inkişaf meyllərinin təsiri fonunda öz həllini gözləyən milli məsələ və problemlərimizin daha da aktuallaşdığını;

– həyati milli maraqlarımızla bağlı olan, on illər ərzində həll edilməmiş qalan bu milli məsələ və problemlərimizin – işğal altındakı torpaqlarımızın azad edilməsi, pozulmuş suverenliyimizin və sərhədlərimizin toxunulmazlığının bərpa edilməsi və müstəqilliyimizin möhkəmləndirilməsinin imperativ siyasi, hərbi və sosial tələbə çevrildiyini;

– üstəlik, uzun illər ərzində cəzasız qalmış düşmənin azğınlaşdığını, konkret olaraq 12 iyul 2020-ci ildən başlayaraq öz havadarlarının razılığı ilə Azərbaycan-Ermənistan dövlət sərhəddində açıq hərbi təxribatlara başladığını, Rusiyanın lideri olduğu KTMT-ni bu proseslərə cəlb etməyə çalışdığını;

– bu təxribatların ağır nəticələr verdiyini və xalqımızın haqlı olaraq kütləvi narazılığına səbəb olduğunu;

– xalqımızın öz torpaqlarını işğaldan azad etməyə hazır olduğunu nəzərə alaraq,

Azərbaycan Respublikasının dövlət başçısını, ali baş komandanını və hökumətini öz konstitusiya borcunu yerinə yetirməyə, işğal altındakı torpaqlarımızın azad edilməsi, pozulmuş suverenliyimizin və sərhədlərimizin toxunulmazlığının bərpa edilməsi, müstəqilliyimizin möhkəmləndirilməsi üçün kompleks qəti addımlar atmağa çağırır;

Qəti addımların atıldığı halda, milli maraqları rəhbər tutaraq və “Hər şey Vətən üçün!”, “Hər şey qələbə üçün!” deyərək, bu addımları hərtərəfli dəstəkləməyə, hətta öz siyasi fəaliyyətini müvəqqəti olaraq dayandırmağa hazır olduğunu bəyan edir”.