XƏBƏR LENTİ

25 Sentyabr 2020

Digər Xəbərlər

24 İyul 2020 - 18:07

Səfirlik Polad Bülbüloğlunun çıxışı ilə bağlı yayılan video haqda açıqlama yaydı:"Fikirləri kontekstdən çıxarılıb"

Cari ilin 15 iyul tarixində Rusiyada yaşayan bir qrup soydaşımız Ermənistan silahlı qüvvələri tərəfindən Azərbaycan-Ermənistan sərhədində Tovuz rayonu istiqamətində törədilmiş hərbi təcavüzlə bağlı Azərbaycan dövlətinə və ordusuna öz dəstəyini bildirmək məqsədi ilə Səfirliyin binasının önünə gəliblər.

Azərbaycanın Rusiyadakı Səfirliyindən verilən məlumata görə, Səfir Polad Bülbüloğlu onlarla görüşüb.

“Bu barədə kütləvi informasiya vasitələrinə geniş məlumat da verilib. Lakin, çox təəssüflə qeyd etmək istəyirik ki, Səfirliyin sözügedən məlumatını təkrar yayan bəzi saytlar Polad Bülbüloğlunun həmvətənlərimizlə görüşündə söylədiyi fikirləri kontekstdən çıxardaraq təxribata əl atıb və bu fikirlərin sanki 24 iyul tarixində səsləndirildiyi barədə yanlış xəbər veriblər.  

Bildiririk ki, bu gün Səfirliyin qarşısında heç bir toplaşma olmayıb. Hesab edirik ki, bu ağır və birlik nümayiş etdirməli olduğumuz günlərdə belə provokasiya yönlü məlumat yayanlar Səfirliyin onsuz da gərgin işinə maneçilik törədirlər”, – deyə məlumatda qeyd olunub/APA.

Xatırladaq ki, Polad Bülbüloğlunun gənclərlə görüşü haqda video yayılıb. Videoda səfir gənclərə “Rusiya sizə şörək verir” deyərək, onları təmkinli olmağa səsləyib.