XƏBƏR LENTİ

23 Oktyabr 2020
22 Oktyabr 2020

Digər Xəbərlər

03 Oktyabr 2020 - 17:40

Erməni kəşfiyyat-diversiya qrupunun digər üzləri barəsində qiyabi həbs çıxarılıb- İnterpola müraciət edilib

“Erməni kəşfiyyat-diversiya qrupunun rəhbəri barəsində cinayət işinin istintaqı davam edir. O, iki nəfərlə birlikdə Azərbaycan ərazisinə daxil olaraq strateji baxımdan lazım olan yerləri öyrənib geri qayıtmaq istəyib”.

APA-nın məlumatına görə, bunu Erməni Silahlı Qüvvələrin  təcavüzü nəticəsində Azərbaycanın mülki əhalisinə qarşı  törədilmiş cinayətlərlə bağlı brifinqdə Baş prokuror Kamran Əliyev deyib.

Baş Prokuror bildirib ki, qrupun rəhbəri Qurqen Alaverdyan daha iki erməni hərbçi ilə birlikdə olub: “Bizə məlum olub ki, onlar Azərbaycanın işğal altında olan Kəlbəcər rayonunda yerləşən erməni hərbi hissəsində xidmət ediblər. Qurqen Alaverdyan Armen Camalyan və Qrena Akopyanla birlikdə hərbi hissənin komandiri Vazgen Vartanyan

tərəfindən Kəlbəcər rayonundan Azərbaycanın digər rayonları və Goranboy rayonu istiqamətində göndəriliblər. Əsas məqsəd Azərbaycan Respublikasının strateji obyektlərini, əhalinin sıx yerləşdiyi məntəqələri, Azərbaycan Respublikası Müdafiə Nazirliyinin Silahlı Qüvvələrinin yerləşdiyi əraziləri, məntəqələri, postları öyrənmək, son nəticədə Azərbaycan Silahlı Qüvvələrinə, Azərbaycan vətəndaşlarına, mülki əhaliyə qarşı diversiya, təxribat törətməkdən ibarət olub. Beləliklə, istintaqın nəticəsi olaraq, Alaverdyan artıq həbsdədir. Vazgen Vartanyan və Armen Camalyan barəsində isə həbs qərarı çıxarılıb və icra olunması üçün İnterpola göndərilib. Dördüncü şəxs – Qrena Akopyanın ad və soyadı bizdə var, amma şəxsiyyəti barədə digər məlumatlar bizdə dəqiq olmadığı üçün onun axtarışa verilməsi hələlik mümkün olmayıb. Bu istiqamətdə biz işləyirik”.