XƏBƏR LENTİ

31 Oktyabr 2020
30 Oktyabr 2020

Digər Xəbərlər

15 Oktyabr 2020 - 00:25

RƏSUL QULİYEV PAŞİNYANI İSTEFAYA ÇAĞIRDI:"Çıx, xalqın qarşısında üzr istə və istefa ver, get!"

Azərbaycan parlamentinin keçmiş sədri, hazırda ABŞ-da siyasi mühacirətdə olan Rəsul Quliyev Ermənistanın baş naziri Nikol Paşinyanın son çıxışını təhlil edərək, çox da uzaq olmayan keçmişdən nümunələr gətirib və onu vəzifəsindən istefa verməyə çağırıb.

Strateq.az xəbər verir ki, R.Quliyev özünün “Facebook” səhifəsində yazıb:

“Ermənistan və ya erməni əsilli siyasətçilər heç vaxt normal ağıl sahibi olmayıblar. Hər halda, onların ağızları köpüklənə-köpüklənə 2000 illik tarixlərinin olduğunu iddia etdikləri müddət ərzində bir ağıllı siyasətçiyə rast gəlmək mümkün deyil! Ərəb xilafəti yaranana qədər yarısı Sasanilərin, yarısı Roma imperiyasının “altında” olan, başqa sözlə, vassal olan ermənilər 100 illərlə bir-birlərinə qarşı vuruşublar.

1990-cı illərdə Argentinada erməni əsilli birisini prezident seçdilər. Bu adam havadan kredit vermək, bir sözlə, dələduz siyasətini “Argentina reforması” adlandırdı. Rusiya Federasiyası bu reformalardan istifadə etmək üçün böyük bir nümayəndə heyətini Argentinaya göndərdi. Ancaq tətbiq etməyə vaxt tapmadılar, çünki reforma Argentina iqtisadiyyatını darmadağın etmişdi… O vaxtdan bu günə qədər Argentina iqtisadiyyatı yarı ölü vəziyyətdədir.

1980-cı illərdə erməni əsilli bir dəli Livanın prezidenti oldu. İsrail bu ölkəyə qaçmış Ərəfatın silahlı terroristlərinin ardınca Livana girdi və işğal etdi. ABŞ-ın terrorçu təşkilat adlandırdığı, sovetin yaratdığı erməni “ASALA” təşkilatı məhv edildi. Türkiyənin yaxası bu terroristlərdən qurtardı.

İndi Paşinyan ermənilərin, onların apardığı siyasətin nəticələrini araşdırmaq istəmir və verdiyi bəyanatları ilə bu ölkəni məhvə aparır. Bu adam Dağlıq Qarabağı müstəqil dövlət kimi tanıyıb, onunla hərbi saziş imzalamaq istəyir. Fransa kimi (çox zəif və özündən müştəbeh prezident Makron) ölkəni də erməni lobbisindən istifadə etməklə Dağlıq Qarabağı tanımağa çağırır.”

Daha sonra Rəsul Quliyev yazır ki, Ermənistan Fransanı Dağlıq Qarabağın müstəqilliyini tanımağa çağırmaqla Rusiyanı müharibəyə cəlb etmək istəyir:

“Mən inanmıram ki, Fransa belə bir addım atar. Dağlıq Qarabağı tanımaqla, faktiki, Ermənistan birbaşa Azərbaycana müharibə elan edir və müqavilədən istifadə edərək, Rusiyanı bu müharibəyə cəlb etmək istəyir. Rusiya, fikrimcə, heç vaxt belə bir avantüraya getməz. Digər tərəfdənsə, Türkiyə Azərbaycanla hərbi müqavilə bağlamağa hazırdır. Eyni zamanda Türkiyə 1921-ci il Rusiya ilə bağladığı Qars müqaviləsindən hər hansı bir maddəyə əsaslanıb, müharibəyə qoşula bilər.

Paşinyan unudub ki, Naxçıvan Azərbaycanın bir hissəsidir. Azərbaycan Naxçıvanın sərhədlərini keçilməz qalaya çevirib. Raket kompleksləri ilə təchiz edilmiş Naxçıvandan Yerevana 1 saat ərzində (maksimum 80 km-lik bir məsafəyə) 100-lərlə ağır mərmilər yağdıra bilər. Bu zonada Rusiya heç vaxt Türkiyə ilə müharibə aparmağa risk etməz! Buna hər kəs əmin olsun. Birincisi, Ermənistanda olan bazası çox qısa bir müddətdə məhv edilər, ikincisi, Suriyada olan bütün bazaları dağıdılar, üçüncüsü isə, Qara və Aralıq dənizində Rusların zəif dəniz donanması darmadağın olar. Ruslar belə bir ağılsız addımı atarsa, Avropa və ABŞ onlara qarşı olacaq və NATO-nun üzvü Türkiyəni dəstəkləyəcək.”

Eks-spiker qeydlərinin sonunda Ermənistan Baş nazirinin ən düzgün çıxış yolunun vəzifəsindən istefa vermək olduğunu vurğulayıb: “Reallıq budur, cənab Paşinyan,  sən əgər həmişəki kimi erməni siyasətçilərin ağıldan kəm olduğunu sübut etmək istəyirsənsə, bu addımı at. Aydındır ki, bu siyasətinlə sən hakimiyyətini saxlamaq istəyirsən. Bu, mümkün deyildir. Erməni xalqı səninlə birlikdə qəbirə getmək fikirində deyildir! Xalqına xidmət etmək istəyirsənsə, qoşunlarınızı işğal etdiyiniz Azərbaycan torpaqlarından çıxart, çıx, xalqın qarşısında üzr istə və istefa ver, get! Azərbaycan heç bir erməninin də Dağlıq Qarabağda burnunu qanatmayacaq. Dağlıq Qarabağdan qovulmuş azərbaycanlıları öz yerlərinə qaytaracaq və Dağlıq Qarabağda yaşayan hər bir azərbaycanlı ilə (milliyyətindən asılı olmadan) Ermənistanın iştirakı olmadan, bu vilayətin statusunu müzakirə edəcək.”