XƏBƏR LENTİ

10 Mart 2021

Digər Xəbərlər

04 Mart 2021 - 17:13

Daha iki partiya YAP-a birləşmək üçün qərar verdi –Açıqlamalar

Yeni Azərbaycan Partiyasına (YAP) qoşulmaq qərarı vermiş daha bir partiyanın adı məlum olub. 

Məlumatına görə, Azərbaycan Demokratik Sahibkarlar Partiyası da YAP-a qoşulmaq üçün müraciət edib.

Azərbaycan Demokratik Sahibkarlar Partiyasının sədri Qasım Qasımov agentliyə açıqlamasında məlumatı təsdiqləyib.

Onun sözlərinə görə, bu barədə qərar martın 2-də partiyanın videokonfrans formatında keçirilmiş qurultayında qəbul edilib/APA.

***

Bu partiya ilə yanaşı, Azərbaycan Xalq Demokratik Partiyası da Yeni Azərbaycan Partiyasına (YAP) qoşulma qərarı verib.

Bu barədə partiyanın sədri Rafiq Turabxan məlumat verib.

Onun sözlərinə görə, bu barədə dünən partiyanın video-konfrans formatında keçirilən qurultayında qərar qəbul edilib.

Xatırladaq ki, bundan əvvəl  Yurddaş və Milli Qurtuluş partiyaları da YAP-a birləşmək qərarı veriblər.