XƏBƏR LENTİ

10 Avqust 2020
09 Avqust 2020
08 Avqust 2020

Digər Xəbərlər

10 Avqust 2016 - 11:17

Azərbaycan mühüm siyasi oyunçudur –Slovakiya

Slovak

Azərbaycan Cənubi Qafqazda mühüm siyasi oyunçudur, ölkənin iqtisadiyyatı bütün region iqtisadiyyatının 80%-ni təşkil edir. Bakı həmçinin energetika və enerji infrastruktur layihələri sahəsində Avropa İttifaqının mühüm tərəfdaşıdır.

Bunu Report-a  Slovakiya Xarici İşlər Nazirliyinin dövlət katibi Lukaş Parizek deyib.
Onun sözlərinə görə, Slovakiya Xarici İşlər Nazirliyinin Azərbaycanda səfirliyin açılmasında uzunmüddətli maraqları var.
"Slovakiya və Azərbaycan arasında ikitərəfli münasibətlər dostluq səviyyəsindədir və heç bir problem yoxdur. Hərçənd iqtisadi əlaqələr və ticarət sahəsində istifadə edilməmiş böyük potensial mövcuddur. Slovakiya Respublikası birgə siyasi dialoqun daha da intensivləşdirilməsində, eləcə də ölkələrimiz arasında iqtisadi əlaqələrin inkişafında maraqlıdır", – deyə L.Parizek bildirib.
O qeyd edib ki, Slovakiya energetika, nəqliyyat infrastrukturunun modernləşdirilməsi, istehsalı sahəsində əməkdaşlıq, eləcə də kənd təsərrüfatı və turizm sahəsində Azərbaycanla əməkdaşlıqda böyük potensial görür.