XƏBƏR LENTİ

21 Oktyabr 2020
20 Oktyabr 2020

Digər Xəbərlər

30 Noyabr 2016 - 11:41

Azərbaycanda bu il 464 nəfərİİV-ə yoluxub

İİV/QİÇS problemi Azərbaycanda aktual problem olaraq Səhiyyə Nazirliyinin diqqət və nəzarətindədir. Azərbaycan İİV-ə yoluxma səviyyəsi aşağı olan ölkələr sırasına daxildir və İİV-ə yoluxma halları əsasən yüksək riskli əhali qrupuna aid olan inyeksion narkotik istifadəçiləri arasında baş verir.

Azərtac xəbər verir ki, bu barədə Respublika QİÇS-lə Mübarizə Mərkəzində 1 dekabr – Ümumdünya QİÇS-lə Mübarizə Gününə həsr olunmuş tədbirdə məlumat verilib.

Tədbirdə bildirilib ki, 2016-cı ilin 11 ayı ərzində Azərbaycanda yeni İİV-ə yoluxma faktı 464 nəfərdə təsdiqlənib. Onlardan 450-si Azərbaycan vətəndaşı, 14-ü isə əcnəbidir. Qeydiyyata alınmış 450 Azərbaycan vətəndaşından 287-si kişi, 163-ü qadındır. Ümumilikdə 2016-ci ilin 1 dekabr tarixinədək Respublika QİÇS-lə Mübarizə Mərkəzində 5107 nəfər İİV-lə yaşayan insan rəsmi qeydiyyata alınıb.

Onlardan 72,4 faizi (3695) kişi, 27,6 faizi (1412) qadındır. QİÇS mərhələsində olanlar 1373 nəfər təşkil edir. İİV infeksiyasından dünyasını dəyişmiş insanların sayı 794 nəfər olub. İİV-lə yaşayan insanlardan 46,3 faizində İİV-ə yoluxma inyeksion narkotik istifadəsi nəticəsində, 42,7 faizində heteroseksual, 1,9 faizində isə homoseksual kontakt nəticəsində, 1,8 faizində anadan uşağa keçməklə baş verib.