XƏBƏR LENTİ

26 Noyabr 2020
25 Noyabr 2020

Digər Xəbərlər

03 Dekabr 2016 - 15:54

ABŞ alimləri:"Valideynlərin təzyiqi uşaqların davranışına mənfi təsir göstərir"

ABŞ-ın Ayova Universitetinin alimləri valideynlər tərəfindən təzyiqin uşaqların davranışına mənfi təsir göstərdiyini müəyyənləşdiriblər.

Tədqiqatlarda müxtəlif ailələrdən olan 500-dən çox uşaq iştirak edib. Uşaqlara valideynlərinin onlarda ən çox dəyərləndirdikləri altı xüsusiyyətdən üçünü seçmələri təklif olunub. Bu xüsusiyyətlərdən üçü məktəbdəki uğurlarla əlaqəli, digərləri isə davranış xarakterli olub. Nəticələr uşaqların davranışı və təhsil müəssisəsindəki müvəffəqiyyət göstəriciləri ilə müqayisə edilib.

Məlum olub ki, valideynlər tərəfindən uşaqların məktəb uğurlarının şəxsi keyfiyyətlərindən daha üstün tutulması onlarda ruh düşkünlüyü və narahatlıq hissi yaratmaqla yanaşı, dərslərində geriləməyə də səbəb olur. Bundan əlavə, belə uşaqlarda özünüqiymətləndirmənin aşağı səviyyədə olduğu, həmyaşıdları və valideynləri ilə tez-tez münaqişəyə girdikləri müəyyənləşdirilib.

Psixoloqlar hesab edirlər ki, valideynlər tərəfindən artıq təzyiq göstərilməsi uşaqlarda psixoloji kompleks yaradır.

Əvvəllər aparılan tədqiqatlarda alimlər tənqidin uşaqlarda hiperaktivliyə səbəb olduğunu müəyyən ediblər(azərtac).