XƏBƏR LENTİ

08 Avqust 2020
07 Avqust 2020

Digər Xəbərlər

31 Mart 2015 - 12:52

Nazirlik Cahangir Hacıyevin şirkətinə cavab verdi

Müdafiə Nazirliyi hərbi və xüsusi təyinatlı ayaqqabıların istehsalçısı olan “BOT” MMC ilə əməkdaşlığı dayandırması haqda şirkətin iddiasına cavab verib.

Nazirliyin mətbuat xidmətindən AzVision.az-ın sorğusuna cavab olaraq bildirilib ki, hal-hazırda Silahlı Qüvvələrin şəxsi heyəti üçün daha keyfiyyətli, müasir tələblərə cavab verən və sərfəli qiymətlərlə alınan ayaqqabıların fasiləsiz təminatı həyata keçirilir.
“BOT MMC tərəfindən istehsal olunaraq təqdim olunmuş ayaqqabı nümunələri keyfiyyət və qiymət baxımından tələblərə cavab vermədiyindən qəbul edilməyib” – deyə, nazirlik qeyd edib.
Qeyd edək ki, BOT MMC-nin baş mühəndisi Mahmud Babayev açıqlamasında Müdafiə Nazirliyinin onlarla əməkdaşlıq etmədiyini deyib:
“Müdafiə Nazirliyi artıq tender keçirmir. Tender keçirsəydi iştirak edərdik. 15 il bizim fabrik Müdafiə Nazirliyi üçün ayaqqabı tikib. Amma indi bizimlə əməkdaşlıq etmir”.
Xatırladaq ki, BOT MMC-nın rəhbərinin Azərbaycan Beynəlxalq Bankının keçmiş sədri Cahangir Hacıyev olduğu bildirilir.