XƏBƏR LENTİ

21 Yanvar 2021

Digər Xəbərlər

03 İyul 2017 - 16:59

Polis öldürülən biznesmen Rəşad Qafarovla bağlı araşdırma aparır –Ölümündən iki gün qabaq Bakıya niyə gəlib?

Praqa polisi azərbaycanlı biznesmen Rəşad Qafarovun müəmmalı qətli ilə bağlı təhqiqat aparır. Bu barədə virtualaz.org-a Praqanın polis Departamentindən bildirilib. Polis hadisə ilə bağlı bütün versiyaların araşdırıldığını qeyd edib.

Azərbaycanın Çexiyadakı səfirliyində də qeyd ediblər ki, onlar Rəşad Qafarovun ölümü ilə bağlı məsələni diqqətdə saxlayırlar. Məlum olub ki, R.Qafarov son bir neçə ildə Praqada yaşayırmış. Sonuncu dəfə onun Facebook səhifəsi iyunun 28-də aktiv olub.

 Bu arada virtualaz.org Rəşad Qafarovu tanıyan mənbələrdən dəqiqləşdirib ki, o, beynəlxalq yükdaşımalar və logistika biznesində Azərbaycanın Praqadakı səfiri Fərid Şəfiyevlə ortaq olub. Habelə mənbəmiz bildirib ki, Rəşad Qafarov ölümündən cəmi iki gün qabaq-iyunun 28-də Bakıda imiş.

 Rəşad Qafarovun əvvəllər “Panalpina” beynəlxalq nəqliyyat və logistika şirkətində işlədiyi haqda onun bioqrafiyasında göstərilir. Mənbənin bildirdiyinə görə Rəşad Qafarovun əvvəllər işlədiyi bu şirkətlə münaqişəsi olub, lakin son vaxtlar tərəflər anlaşıblarmış və mübahisə həll olunubmuş.

Azərbaycanlı iş adamı,  “Tern Transport & Trading CZ” şirkətinin rəhbəri Rəşad Qafarov  Praqada maşınında ölü tapılıb. Çexiyanın "Nova TV" televiziyası xəbər yayıb ki, hadisə günün günorta çağı baş verib. Onun üzərində bıçaq xəsarətləri olub.

 Xatırladaq ki, Azərbaycanlı iş adamı,  “Tern Transport & Trading CZ” şirkətinin rəhbəri Rəşad Qafarov  Praqada maşınında ölü tapılıb. Çexiyanın "Nova TV" televiziyası xəbər yayıb ki, hadisə günün günorta çağı baş verib. Onun üzərində bıçaq xəsarətləri olub.