XƏBƏR LENTİ

10 Mart 2021

Digər Xəbərlər

21 Avqust 2017 - 13:40

Bakıdakı “Nərgiz Mall” bütün mallara 5 manat qiymət qoydu –Qadınlar mağazaya hucum etdi +VİDEO

Bakıdakı "Nərgiz Mall” ticarət-əyləncə mərkəzində yeni endirimli mallar satılan "outlet” mağazanın açılışı qadınlar arasında görünməmiş ajiotaja səbəb olub. 

Bu barədə 1news.az saytı məlumat yayıb. Hadisə şahidlərinin sayta göndərdiyi videolardan görünür ki, böyük qadın kütləsi ticarıət mərkəzinin açılması ilə mağazaya hücum edib. 

Ziyarətçilərin görünməmiş axını insanlar arasında toqquşmalara gətirib çıxarıb. İnsan çoxluğu havasızlığa səbəb olub və alıcılar arasında huşunu itirənlər də olub. Bu səbəbdən nəinki yeni mağaza, hətta bütün ticarət mərkəzi vəziyyətin tənzimlənməsi məqsədilə bağlanıb. Ertəsi gün mağazanın işi bərpa olunub. 

Şahidlər deyir ki, bu gün səhər yenə də böyük insan kütləsi hələ ticarət mərkəzi açılmamış onun girişinin qarşısına toplaşıb və mağazanın vaxtından əvvəl açılmasını tələb edib. Bildirildiyinə görə, mağazada bütün mallar cəmi 5 manata satılır və elə bu da insanların böyük marağına səbəb olub.