XƏBƏR LENTİ

02 Dekabr 2020
01 Dekabr 2020

Digər Xəbərlər

06 Noyabr 2017 - 12:07

Bu il nikaha daxil olmaq istəyən 92 nəfərdə QİÇS aşkarlanıb –Nazirlik rəqəmləri açıqladı

Azərbaycanda nikaha daxil olmaq istəyənlərin icbari tibbi müayinəsi tətbiq olunduğu andan bu ilin oktyabr ayının sonuna qədər müayinədən 344 729 nəfər keçib.

 Səhiyyə Nazirliyinin Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva APA-ya bildirib 1 iyun 2015-ci il – 31 oktyabr 2017-ci il tarixində müayinədən keçmiş 23 652 nəfərdə talassemiya daşıyıcılığı, 1288 nəfərdə sifilis, 255 nəfərdə isə QİÇS aşkar edilib. Talassemiya daşıyıcısı olan cütlüklərin sayı 125 olub.

 Direktorun sözlərinə görə, 2017-ci il ərzində nikaha daxil olmaq istəyən 116 435 nəfər müayinələrə cəlb edilib ki, onlardan 13 469 nəfərdə talassemiya daşıyıcılığı, 404 nəfərdə sifilis, 92 nəfərdə isə QİÇS aşkarlanıb. 35 cütlüyün talassemiya daşıyıcısı olduğu müəyyən edilib.

 Z. Əlimirzəyeva qeyd edib ki, oktyabrda 11 328 nəfər müayinədən keçib. 300 nəfərdə talassemiya daşıyıcılığı, 26 nəfərdə sifilis, 8 nəfərdə QİÇS aşkarlanıb. 3 cütlükdə isə talassemiya daşıyıcılığı qeydə alınıb.