XƏBƏR LENTİ

01 İyun 2020

Digər Xəbərlər

08 Yanvar 2018 - 20:00

Ötən il Şimali Koreyadan 2 turist Azərbaycana gəlib –3 nəfər isə SSRİ pasportu ilə səfər edib

turist.jpg

2017-ci il ərzində Azərbaycana səfər edən xarici vətəndaşlar arasında Şimali Koreyadan olanlar da var.

“Report”un məlumatına görə, bu barədə Mədəniyyət və Turizm Nazirliyinin ilin yekunları ilə bağlı statistikasında qeyd olunub. Belə ki, keçən il Şimali Koreyadan 2 nəfər turist Azərbaycana səfər edib. Bundan başqa, keçmiş SSRİ-nin pasportu ilə Azərbaycana 3 nəfər gəlib.

Keçən il Azərbaycana səfər edən turistlər arasında Azərbaycana Dominikan Respublikası, Vatikan, Botsvana, Liberiya, Yuqoslaviya, Bahama, Svazilend, Antiqua və Barbuda, Saint Lucia, San Tome və Prinsipe, Terks və Kaikos, Malavi, Monako, Amerika Samoası, Mərkəzi Afrika Respublikası, Konqo Respublikası, Tuvalu, Kabo-Verde, Kiribati, Lesoto, Papua Yeni Qvineya, Saint-Vinsent və Qrenadin dövlətlərinin vətəndaşları da var.