XƏBƏR LENTİ

01 İyun 2020

Digər Xəbərlər

25 Yanvar 2018 - 12:25

“Azərişıq” sənədsiz evlərlə bağlı ƏMDK ilə danışıqlar aparır –Açıqlama

"Təkcə 2017-ci ildə Azərbaycanda 33 min abunəçi elektrik enerjisi şəbəkəsinə qoşulmaq üçün "Azərişıq" ASC-yə müraciət edib". 

Bunu jurnalistlərə açıqlamasında səhmdar cəmiyyətin rəsmisi Elsevər Rüstəmov deyib.

Onun sözlərinə görə, həmin müraciətlərin 30 mini müsbət cavablandırılıb. 

“Bu müraciətlərdən təxminən 1 000-i qeyri-əhali qrupuna daxil olan abunəçilərə məxsusdur", – deyə o, qeyd edib. 

E.Rüstəmov həmçinin əlavə edib ki, təmsil etdiyi qurum sənədsiz evlərlə bağlı Əmlak Məsələləri üzrə Dövlət Komitəsi (ƏMDK) ilə danışıqlar aparır: “Bildiyiniz kimi, ƏMDK sənədsiz evlərlə bağlı layihə həyata keçirir. Komitə bizə hər hansı arayış verməklə biz həmin tikilini elektrik enerjisi ilə təmin edəcəyik. Hazırda bu istiqamətdə danışıqlar davam etdirilir”.

Report.az