XƏBƏR LENTİ

05 İyun 2020
04 İyun 2020

Digər Xəbərlər

19 Mart 2018 - 21:22

Dünya əhalisi qocalır –Bir milyarda yaxın insanın yaşı 60-dan çoxdur

Hazırda dünyada yaşı 60-dan çox olan 962 milyon nəfər yaşayır.

Qaynarinfo xəbər verir ki, BMT İqtisadi və Sosial İşlər Departamentinin yaydığı məlumata görə, 1980-ci ildə bu rəqəm 382 milyon idi. Hazırda hər 8 nəfərdən birinin yaşı 60-dan yuxarıdır, 2020-ci ildə hər 5 nəfərdən birinin yaşı 60-dan çox olacaq.

Yaşlı əhalinin 2/3-si İnkişafda Olan Ölkələrdə yaşayır. 2050-ci ildə 10 yaşlı insanın 8-si İOÖ-də yaşayacaq.

2050-ci ildə yaşı 60-dan çox olan dünya əhalisi 1,7 milyarda çatacaq. Bu, Avropa əhalisinin 35%-ni, Şimali Amerikanın 28%, Latın Amerika və Karib insanlarının 25%, Asiyanın 24%, Okeaniyanın 23%, Afrikanın 9%-ni təşkil edəcək.

Təşkilatın statistikasına görə, Əfqanıstanda yaşlıların sadəcə 2,3%-i, Hollandiyada isə 93,4%-i müstəqil yaşaya bilir. Həm Avropa, həm də Afrikada yaşlı tənha qadınların sayı kişilərdən çoxdur. Əfqanıstan, Tacikistan, Pakistan kimi ölkələrdən qocaların böyük hissəsi övladları ilə yaşayır.

Dünyanın ən çox yaşlı nüfuza sahib ölkəsi isə Yaponiyadır. Yaponiyada yaşı 90-dan çox 2,06 milyon əhali var. Yaşı 60-dan çox olanlar bu ölkənin 33,4%-ni təşkil edir və 2050-ci ildə 42,4%-ə yüksələcək. Bu ölkəni 29,4%-lə İtaliya, 28%-lə Almaniya, 27,9%-lə Portuqaliya, 27,8%-lə Finlandiya izləyir.