XƏBƏR LENTİ

07 İyun 2020
06 İyun 2020

Digər Xəbərlər

13 Aprel 2018 - 11:53

“Azərbaycanda əhalinin təqribən 8 faizində bronxial astma müşahidə olunur”baş allerqoloq Cəbrayıl Məmmədov

Dünyada olduğu kimi Azərbaycanda da bronxial astma daha çox yayılıb. Azərbaycanda əhalinin təqribən 5-8 faizində bronxial astma müşahidə olunur.

Trend-in məlumatına görə, bunu Səhiyyə Nazirliyinin baş allerqoloqu Cəbrayıl Məmmədov bu gün keçirdiyi mətbuat konfransında deyib.

Onun sözlərinə görə, yazın gəlişi ilə əlaqədar allergik xəstəliklər çox müşahidə olunur. Həm böyüklər, həm də kiçiklər arasında ən çox rast gəlinən allergik xəstəliklər isə pollinozdur: “Belə xəstələrin burnunda daim selik olur, dəfələrlə asqırır. Xəstəlik hətta bronxial astmaya səbəb olur”.

Baş allerqoloqun sözlərinə görə, çox vaxt insanlar allergik xəstəlikləri virus xəstəlikləri, qrip kimi qəbul edirlər və buna görə də xəstələri səhvən antibiotiklərlə müalicə edirlər:

“Allergik xəstəliklərdən fərqli olaraq qrip zamanı tərləmələr də olur. Xəstələr vaxtında allerqoloqa müraciət etsələr, sonda onların vəziyyəti ağırlaşmaz və astmadan da əziyyət çəkməzlər. Nəmlik olan ərazilərdə astma yaradan “ev gənələri” bu xəstəliyə irsi meyilliyi olan insanlarda astmanın yaranmasına imkan verir”.