XƏBƏR LENTİ

01 Oktyabr 2020
30 Sentyabr 2020

Digər Xəbərlər

14 Noyabr 2018 - 17:52

DSMF-nin 3.9 milyardlıq büdcəsi ilk oxunuşda keçdi –Büdcə müzakirələri davam edir

Dövlət Sosial Müdafiə Fondunun 2019-cu il üçün nəzərdə tutulan büdcə layihəsi I oxunuşda qəbul edilib. 
Strateq.az xəbər verir ki, noyabrın 14-də “Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında”Qanun layihəsi Milli Məclisin plenar iclasında müzakirəyə çıxarılıb. Keçirilən iclaslarda deputatlar büdcə sənədi ilə bağlı fikir və təkliflərini səsləndiriliblər.

Müzakirələrdən sonra “Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında” Qanun layihəsi səs qoyularaq, birinci oxunuşda qəbul edilib. 

Müvafiq icra hakimiyyəti orqanının – Dövlət Sosial Müdafiə Fondunun 2019-cu il üzrə büdcəsinin gəlirləri 3 928 104 000 manat, xərcləri 3 928 104 000 manat məbləğində nəzərdə tutulub. Sənəddə pensiya və müavinətlərin əhaliyə çatdırılması, bank əməliyyatlarının aparılması üzrə xidmət haqqı xərcləri 22 milyon 500 min manat, 3 yaşına çatanadək uşaqlara qulluqla əlaqədar 13 milyon 400 min manat vəsaitin ayrılması nəzərdə tutulub.