XƏBƏR LENTİ

26 Noyabr 2020
25 Noyabr 2020

Digər Xəbərlər

21 Yanvar 2019 - 11:12

“10-15 ilin şirkətidir, ancaq saytı “Google”un standartlarına cavab vermir”- Yerli şirkətlərin rəqəmsal vəziyyəti niyə bərbaddır?

Azərbaycanda və Gürcüstanda marketinq və PR sahəsində fəaliyyət göstərən “Marcom” Marketinq və PR şirkəti yerli şirkətlərin rəqəmsal vəziyyətindən narahat olduğunu açıqlayıb.

Strateq.az-ın Marja.az-a istinadən xəbərinə görə, şirkətin rəqəmsal marketinq üzrə mütəxəssisi Tural Rüstəmlinin sözlərinə görə, hər ötən ay müxtəlif sektorlar üzrə fəaliyyət göstərən şirkətlərin rəqəmsal marketinq xidmətlərinə olan marağı artmaqda davam edir: “Bu, bir tərəfdən sevindirici hal olsa da, digər tərəfdən, iş prosesində ortaya çıxan xoşagəlməz faktlar səbəbi ilə bu sahəyə olan inamının azalmasına gətirib çıxarır”.

Tural Rüstəmli şirkətlərin bu sahədə maariflənməsi məsələsinə də münasibət bildirib. O, qeyd edib ki, “Marcom” şirkətinin əsas üstünlüyü məhz müştərilərin marketinqin bütün sahələri üzrə maarifləndirilməsindədir: “Biz müştərinin qarşılaşa biləcəyi bütün riskləri əvvəlcədən söyləyirik ki, onun real vəziyyətlə bağlı təsəvvürü yaransın. Müştərinin bu sahə üzrə kifayət qədər biliyinin olmaması, üstəlik, bizimlə əməkdaşlıqdan öncə digər qeyri-peşəkar şirkət və ya fərdlərin bu sahədə ona yaşatdığı problemlər bizim də işimizi çətinləşdirir.”

Şirkətlərin bu sahədə üzləşdiyi əsas problemlərə toxunan mütəxəssisin sözlərinə görə, rəqəmsal marketinq sahəsində şirkətlərin ən yaralı yeri veb-sayt üzrə özəl kontentin zəifliyi və veb-sayt işinin qeyri-peşəkarlar tərəfindən qurulmasıdır: “Azərbaycanda fəaliyyət göstərən şirkətlərin çoxunun veb-saytı olsa da, həmin sayt “Google” axtarış sisteminin standartlarına cavab vermir və “Google” tərəfindən tam indekslənmir. Baxırsan ki, 10-15 ilin şirkətidir, ancaq saytı kontent baxımından zəifdir və ya proqramlaşdırılması zamanı ciddi boşluqlara yol verilib. Belə olan halda, hər hansı bir SEO optimallaşdırma və ya digər xidmətlərdən danışmaq, o cümlədən xidmətdən istifadə edərək sayta trafik gətirmək də çətin olur. Həmin qüsurların sonradan düzəldilməsi isə şirkətə əlavə vəsaitə başa gəldiyindən, şirkətlərin bir çoxu bu xərci çəkməyə həvəs göstərmir”.

Qeyd edək ki, “Marcom” Marketinq və PR şirkəti ( www.marcom.az ) “Google” üzrə mövcud olan 20 sertifikatdan 14-nə malikdir. Şirkət öz əməkdaşlarının bu istiqamətdə daha da təkmilləşdirilməsi üzrə insan kapitalına yatırım etməkdə maraqlıdır.