XƏBƏR LENTİ

27 Noyabr 2020
26 Noyabr 2020

Digər Xəbərlər

20 Yanvar 2016 - 19:29

“Dünyanın ən yaxşı ölkələri” açıqlandı: [color=red]Azərbaycan 53-cü yerdədi

baku.jpg

Azərbaycan dünyanın 60 ən yaxşı ölkəsi arasında 53-cü yeri tutur.

Strateq.az bildirir ki, bu barədə məlumat US News and World Report media şirkəti, Pensilvaniya universiteti və qlobal brendinq üzrə BAV məsləhət şirkətinin tərtib etdiyi siyahıda açıqlanıb.

60 ölkənin reytinqi 24 kateqoriya üzrə təhlillər nəticəsində və 16 min insan arasında sorğu nəticəsində tərtib edilib. Bu qrupda olanların yarısı “məlumatlı elita” kimi qiymətləndirilib, 4 min 500 nəfər isə biznes lideri olub.

Respondentlər hər bir ölkəyə 9 kateqoriya əsasında qiymət verib. Buraya macəra, vətəndaşlıq, mədəni təsir, sahibkarlıq, irs, təşəbbüskarlıq, biznesə açıqlıq, siyasi hakimiyyət və həyat keyfiyyəti kimi kateqoriyalar daxildir.

Siyahıya əsasən, dünyanın ən yaxşı ölkəsi Almaniyadır. İkinci və üçüncü yerlərdə isə Kanada və Britaniya göstərilib. ABŞ dünyanın ən yaxşı ölkələrinin ilk dəfə tərtib edilmiş siyahısında 4-cü yerdə göstərilib.

“Universitetlər, xəstəxanalar və başqa təsisatlarla bağlı keçirdiyimiz reytinqlər kimi “Ən yaxşı ölkələr” portalı vətəndaşlar, biznes liderləri və hökumətlərin sürətlə dəyişən dünyada müxtəlif fəaliyyətləri dəyərləndirlməsinə kömək edəcək xəbərlər və məlumatların toplandığı qlobal səhifə olacaq”- deyə US News and World Report media şirkətinin prezidenti və baş redaktoru Mortimer Zukerman açıqladığı bəyanatda bildirib.

Birləşmiş Ştatlar siyasi hakimiyyət və mədəni təsirə görə birinci yerdə göstərilib, Almaniya isə sahibkarlıq üçün ən yaxşı ölkə adlandırılıb. Kanada həyat keyfiyyətinə görə ən yaxşı ölkə seçilib.

Dünyanın ən yaxşı 10 ölkəsi sırasına İsveçrə, Avstraliya, Yaponiya, Fransa, Niderland və Danimarka daxildir.

Siyahı İsveçrədə Davosda Dünya İqtisadi Forumunun başladığı gün açıqlanıb.