XƏBƏR LENTİ

05 İyul 2020
04 İyul 2020

Digər Xəbərlər

07 Yanvar 2020 - 19:18

ETSN-in şöbə müdiri:“Avstraliyada baş verən meşə yanğını planetimiz üçün böyük təhlükədir”

“Avstraliyada baş verən genişmiqyaslı meşə yanğınları nəticəsində milyonlarla canlının həyatını itirməsi ekosistemin kəskin şəkildə pozulmasına gətirib çıxarıb”.

Bunu “Report”a açıqlamasında Azərbaycan Respublikası Ekologiya və Təbii Sərvətlər Nazirliyinin (ETSN) şöbə müdiri Rasim Səttarzadə deyib.

Onun sözlərinə görə, yüz milyonlarla fauna və floranın məhvinə gətirib çıxaran bu yanğın, təkcə bir ərazi üçün deyil, planet üçün böyük təhlükədir:

“Ümid edirik ki, tez bir zamanda yanğının qarşısı alınacaq”.

Nazirlik rəsmisi xatırladıb ki, son illər dünyada baş verən meşə yanğınları insan tələfatı, minlərlə hektar meşə sahəsinin, yaşıllığın məhvi ilə nəticələnir:

“Qlobal iqlim dəyişmələri və antropogen fəaliyyətin güclənməsi nəticəsində meşələr, flora və fauna bir anda məhv olur”.

Xatırladaq ki, ölkədə yanğınlar başlayandan bəri 7 milyon hektara yaxın ərazi yanıb, azı 24 nəfər və yüz milyonlarla heyvan ölüb.