XƏBƏR LENTİ

04 İyul 2020
03 İyul 2020

Digər Xəbərlər

14 Yanvar 2020 - 18:30

Gəncədə baş həkimlə müavininə xəbərdarlıq edilib –İki həkimə və tibb bacısına isə şiddətli töhmət verilib

Tibbi Ərazi Bölmələrini İdarəetmə Birliyi (TƏBİB) Gəncədə əməliyyat olunan qadının qarın boşluğunda qayçı qalması ilə bağlı məlumatlara münasibət bildirib.

Qurumdan verilən məlumata görə, ötən il iyulun 2-də pasiyent Gəncə Şəhər Təcili Tibbi Yardım Xəstəxanasında əməliyyat olunub.

“2019-cu ilin dekabrın 2-də xəstə ağrılarla özəl klinikalardan birinə müraciət edib və qarın boşluğunda qayçı olduğu aşkarlanıb. Həmin gün yenidən Gəncə Şəhər Təcili Tibbi Yardım Xəstəxanasında əməliyyat olunaraq qayçı çıxarılıb.

Hadisədən sonra xəstəxananın baş həkimi və baş həkimin müavininə xəbərdarlıq, əməliyyat aparan iki həkim və tibb bacısına isə şiddətli töhmət elan edilib”, – TƏBİB-dən bildirilib/Report.