XƏBƏR LENTİ

26 Oktyabr 2020
25 Oktyabr 2020
24 Oktyabr 2020

Digər Xəbərlər

19 Mart 2020 - 14:41

Avtomobil Nəqliyyatı Xidməti:"Avtovağzallara "Bəlkə qayıda bilərəm" ümidi ilə yaxınlaşmayın"

“Nazirlər Kabineti yanında Operativ Qərargahla razılaşdırıldıqdan sonra qərara alınıb ki, mart ayının 19, 20 və 21-i tarixlərində həm region qeydiyyatı olan sərnişinlərin, həm də Bakı, Sumqayıt və Abşeron qeydiyyatı olan sərnişinlərin regionlara gedişləri təmin edilsin. Bu üç gündə Bakı Beynəlxalq Avtovağzal Kompleksi adi rejimdə çalışacaq”.

Strateq.az xəbər verir ki, bu sözləri Dövlət Avtomobil Nəqliyyatı Xidmətinin İctimaiyyətlə əlaqələr sektorunun müdiri Nuridə Allahyarova deyib.

O bildirib ki, bölgələrə getmək istəyən sərnişinlərin gedişləri təmin olunacaq: “Mart ayının 27 və 28-i tarixlərində regiondan paytaxta geri qayıtmaq istəyən Bakı, Sumqayıt və Abşeron qeydiyyatı olan sərnişinlərin geri dönüşü təmin olunması nəzərdə tutulub. Region qeydiyyatında olan sərnişinlərdən xahiş edərdim ki, avtovağzallara “Bəlkə qayıda bilərəm” ümidi ilə yaxınlaşmayın. DANX və digər aidiyyatı strukturların əməkdaşları region avtovağzallarına ezam olunacaq və o müddətdə şəxsiyyət vəsiqələri yoxlanılaraq geri dönüş təmin olunacaq. 22, 23, 24, 25, 26 mart tarixləri üçün gediş-gəlişin hansı formada təyin olunacağına gəlincə, əgər tələbat olarsa, əlavə reyslər təmin oluna bilər. Bu barədə əlavə məlumat veriləcək”.

Xatırladaq ki, bu gündən respublikanın şəhər və rayonlarında qeydiyyatda olan nəqliyyat vasitələrinin və onların sərnişinlərinin Bakı və Sumqayıt şəhərlərinə, eləcə də Abşeron rayonuna buraxılması dayandırıb.