XƏBƏR LENTİ

28 Noyabr 2020
27 Noyabr 2020

Digər Xəbərlər

18 Mart 2016 - 20:35

Əfv sərəncamınınicrası başa çatdı

amnistiya_180316_06

Azərbaycan Prezidentinin “Məhkum edilmiş bir sıra şəxslərin əfv olunması haqqında” 17.03.2016-cı il tarixli sərəncamının icrası Ədliyyə Nazirliyinin Penitensiar Xidməti tərəfindən 18.03.2016-cı il tarixdə başa çatdırılıb.

Xidmətin İctimaiyyətlə əlaqələr şöbəsindən verilən məlumata görə, əfv sərəncamı Penitensiar Xidmətin tabeliyindəki müəssisələrdə azadlıqdan məhrumetmə növündə cəza çəkən 137 nəfərə, eləcə də azadlıqdan məhrumetmə ilə bağlı olmayan cəza növləri üzrə məhkum edilmiş daha 11 nəfərə şamil edilib.

Sərəncamın icrası Ədliyyə Nazirliyi aparatının məsul işçilərinin, Penitensiar Xidmət üzrə Baş idarənin rəhbər əməkdaşlarının, Azərbaycan Respublikasının Prezidenti yanında Əfv Məsələləri Komissiyası, İctimai Komitə, Ailə, Qadın və Uşaq Problemləri üzrə Dövlət Komitəsi üzvlərinin, Ombudsman Aparatı, qeyri-hökumət təşkilatları və kütləvi informasiya vasitələri nümayəndələrinin, habelə məhkum yaxınlarının iştirakı ilə təntənəli şəkildə həyata keçirilib.

Cəza çəkməkdən azad edilən şəxslər, habelə onları qarşılamağa gələn yaxın qohumları ölkə Prezidenti cənab İlham Əliyevin humanist addımını böyük ruh yüksəkliyi ilə qarşılayaraq dərin minnətdarlıqlarını ifadə ediblər.